İşğal etilgen Qırımdaki benzin turaqlarında AІ-95 benzini ğayıp oldı. İşğal akimiyeti, yengil yermay mahsulatları, şu cümleden bu markalı benzinniñ teminatında muvaqqat toqtavlar "ava şaraitlerine köre Kerç (Keriç)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı boğazı boyunca gemi keçüv cedvelinen" bağlı olğanını iddia eteler. Aynı vaqıtta yerli faalcilerniñ fikrince, asıl sebebi Rusiyeniñ yermay obyektlerine dronlarnıñ soñki ücümleridir.
"Bir sıra benzin turaqlarında Aİ-95 avtomobil benzini yetişmey, amma bu eksiklik umumiy yaqıcı yedeklerine (orta kündelik satuvlarğa esaslanıp) ve turaqlarınıñ sayısına köre emiyetsizdir", — denile arman aynıñ 15 künündeki idareniñ Telegram-daki haberinde.
Anda, yaqın vaqıtlarda Qırımdaki benzin turaqlarında bu benzinniñ kerekli miqdarını toldurmağa söz berdiler.
Aynı vaqıtta "Sarı şerit" cemaat tirenüv areketi, bunı Rusiyedeki yermay obyektlerine dronlarnıñ soñki ücümlerinen bağlay.
"Men benzinniñ yetişmegeni sebebinden raatsızlana bile edim, amma bu dronlarnıñ Rusiye Federatsiyası iqtisadiyatı üzerinde yapqan yahşı işiniñ neticeleri olğanını añlamaq maña kederlenmege imkân bermey. Ve bu fikir mında er bir aqılı insanda peyda ola", – dedi faalcilerden biri.
Hatırlatamız ki, Rusiye Federatsiyası Silâlı Quvetleriniñ Baş Ştabı tasdiqladı ki, arman aynıñ 15 gecesi ukrain askerleri Rusiye Federatsiyasınıñ Samara vilâyetindeki Sızran yermay rafinatorına ve Donetsk vilâyetiniñ VİT-daki idare noqtasına ücüm ettiler.
Bir kün evelsi, arman aynıñ 14-te, gece Mudafaa Quvetleriniñ bölükleri Rusiye ordusı içün yaqıtı bergen Volgograd yermay rafinatorına ücüm ettiler, dep belli oldı.
Arman aynıñ 4-te Ukraina Silâlı Quvetleriniñ pilotsız sistemalarınıñ küçleri, Mudafaa Quvetleriniñ diger komponentlerinen işbirlikte, arman aynıñ 3 gecesi Rusiye Federatsiyasınıñ Krasnodar vilâyetindeki Soçi ava limanınıñ yaqıcı kompleksini dronlar ile ücüm ettiler.
İşğal etilgen Qırımda yaqarlıq inqirazı quvetleşkenini de evelden yazğan edik. "Sarı şerit" cemaat tirenüv areketiniñ faalcileri benzinniñ fiyatı deyerlik er kün keskin yükselgeni, onıñ benzin tkraqlarında eksikligi, yerli sakinlerniñ umumiy narazılığı aqqında haber eteler.
Telegram, WhatsApp, Facebook ve YouTube-ta Suspilne Qırım haberlerine abune oluñız