Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) yañı oquv yılı arfesinde işğalli akimiyet bir qaç mektepte konditsionerlerni çıqarmağa başladı. Toplanğan tehnika Ukrayinağa qarşı cenkte iştirak etken Rusiye arbiy hızmetçileri içün yañı merkezlerni donatmaq içün berile.
Arman ayınıñ 12-nde "Sarı şerit" cemaat areketiniñ Facebook saifesinde bu aqqında haber etildi.
Anda qayd etildi ki, bu, "çoq yıl evel" ana-baba öz parasını masraf etip qurğan donatmalar.
"Çıqaruv işleri saylap yapıla, esasen iç bloklarnı alıp keteler, tış bloklarnı ve kommunikatsiyalarnıñ bir qısmını qaldıralar. Bundan soñ sınıflarda divarlarda delikler ve zararlanğan bezekler qala", — dep faalciler qayd ettiler.
Areketniñ koordinatorları qoştılar ki, bunıñ kibi areketler endi Herson ve Zaporijjâ vaqtınca işğal etilgen qısımlarınıñ oquv yurtlarında yapılğan edi.
"Sarı şerit" areketiniñ bildirgenine köre, işğalciler Yalta mekteplerinde on birinci sınıf talebeleri içün derslerni keçirdiler, anda olarğa "Rusiye ordusında hızmet etmek — tuvğan topraq içün yapıla bilecek eñ yahşı şey" dep añlatılğan edi.
Hatırlatamız ki, Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 5-nci mektepte balalar arbiy ocalarnıñ nezareti altında dronlar ve avtomatlar içün şarj cihazlarını yapmağa mecbur eteler. Bundan soñ bu cihazlar RF Silâlı quvetleriniñ bölüklerine berile, dep Milliy muqavemet merkezi bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız