İşğal etilgen Qırımdan Ukrayinağa çoq balalı qorantanı — ana ve 5 balasını qaytarıp oldılar. Qadınnıñ telefonında ukrayin haber kanallarınıñ abunelikleri tapılğanı içün Rusiye polisi onı qorquzğan edi.
Ukrayina prezidenti Ofisiniñ yolbaşçısı Andriy Yermak Telegramda bunı bildirdi.
"Ukrayina Prezidentiniñ Bring Kids Back UA teşebbüsi çerçivesinde vaqtınca işğal etilgen Qırımdan çoq balalı qorantanı — ana ve beş balasını qurtarıp oldı. İşğal vaqtında qadın işğalli akimiyet tarafından basqı ve qorquzuvlarğa oğradı, şu cümleden Rusiye polisi qadınnıñ telefonında ukrayin haber kanallarına abune olğanları içün onı ve balalarını cinaiy taqipnen qorquzdı", — dep prezident ofisiniñ yolbaşçısı bildirdi.
Qadın işğal etilgen Qırımnı bir qaç memleketten keçip terk etti. Prezident ofisiniñ yolbaşçısı, şimdi o balalarınen beraber Kıyivde olğanını tasdıqladı.
"Şimdi qorantası Kıyivde ve bütünleşüv içün kerekli er şeynen teminlengen — ruhiyatçılarnen çalışmaqtan başlap, balalarnı mektepke ve bala bağçalarına yerleştirmege qadar. Ukrayina Prezidentiniñ Qırım Muhtar Cumhuriyetindeki Temsilciligi, Tış işler nazirligi ve Devlet sıñır hızmetiniñ zenaatdaşlarına qorantanı qurtarmağa yardım etkenleri içün teşekkürler bildirem", — dep Yermak qoştı.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız