İşğal etilgen Qırımda zapt etilgen "Artek" bala lagerinde bulunğan balalar işğalciler tarafından Nikaragua Cumhuriyetiniñ yolbaşçısı Daniel Ortegağa mektüp yazmağa mecbur etile. O, bir qaç kün evel "Ukrayinanıñ Donetsk, Luğansk, Herson ve Zaporijjâ vilâyetlerini Rusiye Federatsiyasınıñ ayırılmaz qısmı olaraq" tanığanını ve desteklegenini bildirdi.
Milliy muqavemet merkezi Telegramda bunı bildirdi.
"Zapt etilgen "Artek" lagerinde balalarnı, Rusiyeniñ Ukrayinağa qoşulmasına qol tutqan Putinniñ tarafdarı olğan Nikaragua diktatorı Daniel Ortegağa selâµ kartları yazmağa mecbur eteler. Bu, Rusiyeniñ bala diplomatiyasınıñ daa bir numayışıdır, Şuralar Birliginiñ eñ yaramay ameliyatlarını tekrarlay. Milliy muqavemet merkezi şunı hatırlata: balalarnıñ arbiyleştirilüvi — cenk cinayetidir", — dep aytıla haberde.
Hatırlatamız ki, oraq ayınıñ 30-nda NikaraguaMerkeziy Amerikada bir memleket, meydanı boyunca Merkeziy Amerika devletleri arasında eñ büyüktir prezidenti Daniel Ortega Kreml yolbaşçısı Vladimir Putinge mektüp yolladı, mektüpte Rusiye tarafından işğal etilgen Donetsk, Luğansk, Herson ve Zaporijjâ vilâyetleriniñ Rusiye Federatsiyasınıñ qısmı olğanını tanıdı. Bundan da ğayrı, Ortega, Rusiyeniñ "NATO tarafından desteklengen ukrayin neonatsizmi"ne qarşı alıp barğan "qaraman küreşi"ne qol tutqanını bildirdi. O, Rusiye Federatsiyasınıñ "aqsızlıq quvetleri, hegemon devletler, faşizmge qarşı" ğalebe qazanacağına işanç bildirdi.
Ukrayina TİN bu beyanatlarğa cevap berip, 2020 senesi Ukrayina işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) fahriy konsullıq açqanı içün Nikaraguağa qarşı sektoral sanktsiyalar kirsetti, dep hatırlattı. Nazirlik qayd etti ki, Rusiye tarafından Ukrayina vilâyetleriniñ işğalini tanımaq Birleşken Milletler Teşkilâtınıñ Baş Assambleyasınıñ 3314 (XXIX) "Tecavuznıñ añlamı" qararına zıt kele.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız