Araştıruv ve aktivlerniñ idare etüv milliy agentligi (AAİMA), Ukraina qanunlarını bozıp, vaqtınca işğal etilgen Qırım limanına seyaat yapqan "ANKA" gemisini nezaretke aldı.
Bu aqta oraq aynıñ 28 AAİMA-de haber etildi.
Aktiv, UTH-niñ Qırım Muhtar Cumhuriyetindeki Baş müdirliginiñ ricasınen çıqarılğan makemecisiniñ qararı esasında berildi. Muvaqqat işğal etilgen territoriyağa kirüv ve çıquv emirini bozğanı aqiqatı boyunca cinaiy davası açıldı.
AAİMA, Qırım Cumhuriyetinde UTH ile deñiz gemilerini berüvnen bağlı işler — muvaqqat işğal rejiminiñ bozulmasına ait işler boyunca maddiy isbatlar boyunca birinci kere işbirlik yapmadı. Agentlikte qayd etilgeni kibi, bu cinayetlernen bağlı aktivlerni devlet içün fayda menbasına çevirmege imkân bergen semereli işbirlikniñ misalidir.
AAİMA-niñ cenübiy vilâyetlerde territorial idaresiniñ mütehassısları gemige tehnikiy teşkerüv keçirdiler. "ANKA" yahşı vaziyette olğanı ve maksimal faydanen ömürge keçirile bilecegi belli oldı. Şimdiki vaqıtta yarış teklifiniñ şekillenmesi içün kerek olğan aktiv aqqında tolu malümat toplavı devam ete.
Hatırlatayıq ki, Rusiye işğal etilgen Qırımdan qanunsız ukrain aşlığını Qara deñiz boyu – çet memleketlerniñ bayraqları astında, saqat navigatsiya sistemaları ve sahta bort mecmuallarınen çıqarmağa devam ete. Er afta teşkerüvciler hırsız gemileriniñ yañı uçuşlarını qayd eteler. Bu "kölge flotunıñ" bir qısmı, UTH tarafından tutuldı. Rusiye, işğal etilgen topraqlardan hırsızlanğan boğdaynı tışqa çıqarmaq içün nasıl shemalar qullanğanını Suspilne Qırım araştırıp bildi.
Telegram, WhatsApp, Facebook ve YouTube-ta Suspilne Qırım haberlerine abune oluñız