Ukrayinada Qırımdan kelgen işğalli nazirniñ muavini duşmannen işbirlikUkrayina CQniñ 111-1nci maddesiniñ 5-nci qısmı içün 6 yıl apis cezasına mahküm etildi ve mülkü musadere etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeer prokurorlığı bunı bildirdi.
O, 10 yıl devamında teşkiliy-tertipke ketirüv ve memuriy-içtimaiy vazifelerinen bağlı vazifelerni eda etmek aqqından marum etildi.
"Mahkemede prokurorlar 2022 senesi arman ayında, öz isteginen bergen arizası esasında, "Qırım Cumhuriyeti mülkiyet ve topraq munasebetleri naziriniñ muavini" vazifesine tayinlengenini isbatladılar. Vekâletlerini yerine ketirgende, mahküm etilgen işbu "nazirlik"niñ işini teşkil ete, em de işğalli akimiyetniñ qararlarınıñ yerine ketirilmesini nezaret ete", — dep haberde qayd etildi.
UHHniñ malümatına köre, mahküm etilgen 2014 senesine qadar Ukrayina Devlet migratsiya hızmetinde çalıştı, yarımada zapt etilgen soñ ise — duşmanğa qol tuttı. Hususan, Qırımnıñ Keriç (Lenin rayonı) qanunsız "memuriyetiniñ" yolbaşçısı edi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız