Mahkeme Herson vilâyet şurasınıñ mebusına qarşı qabaatlav aktını yolladı. O, Herson vilâyetiniñ bir qısmı işğal etilgen vaqıt, Qırımğa bereketniñ ketirilmesini teşkil etken edi, em de Rusiye arbiylerini aşayt mallarınen teminlegen edi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Bu sene saban ayında şübheli Hersonda tutulğan edi. O, mahkeme oturışına qadar apiste qalacaq. Onıñ areketleri istilâcı devletke yardım etüvUkrayina CQniñ 111-2-nci maddesiniñ 1-nci qısmı ve evelden teşkil etilgen gruppaUkrayina CQniñ 28-nci maddesiniñ 2-nci qısmı, 438-nci maddesiniñ 1-nci qısmı tarafından cenk qanunları ve adetleriniñ bozuluvı olaraq tasnif etildi.
"2022 senesi baarde qabaatlanğan şahıs o vaqıt Herson vilâyetiniñ işğal etilgen qısmında bulunıp, defalarca duşman ordusına maddiy resurslar berdi. Hususan, o, RF Silâlı quvetleriniñ arbiy hızmetçilerini aşaytnen teminledi, işhaneleri tarafından yetiştirilgen ububatnı (küz boğdayını) işğalciler tarafından qurulğan "Herson ububat şirketi" devlet unitar müessisesi"ne yolladı", — dep QMC Prokurorlığı bildirdi.
Tahqiqatnıñ malümatına köre, qabaatlanğan şahıs diger çiftçilerniñ topraqlarından da bereketni zornen cıymağa teşebbüs etti. 2022 senesi oraq ayında o, toplanğan köy hocalığı mahsulatınıñ Canköy şeerine ketirilmesini temin etti. İşğal etilgen topraqlarda serbest areket etmek içün o, işğalli "Herson vilâyetiniñ arbiy-vatandaşlıq memuriyeti" tarafından berilgen "federal mesleatçı"nıñ avtomobil izinlerini qullana edi.
Prokurorlıqnıñ malümatına köre, qabaatlanğan adam, RNBO tarafından yasaq etilgen "Volodımır Saldo blokı" Rusiye tarafdarı siyasiy firqasınıñ Herson vilâyet şurasınıñ VIII-nci çağıruvınıñ mebusı, em de Herson vilâyetinde çiftlikniñ ve bir qaç köy hocalığınıñ saibi ve kerçek reberi ola.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız