Oraq ayınıñ 21-niñ üylesinden soñ işğal etilgen Qırımda furtuna havfı ilân etildi. Yağanaqlar ve boranlı yel beklenile.
İşğalli Qırım FVN bu aqqında haber etti.
"Oraq ayınıñ 21-niñ üylesinden soñ Qırımda şiddetli sağanaq, boranlı yağmur, burçaq ve 20-25 m/s yel beklenile", — dep aytıla haberde.
Ava şaraitiniñ kerginleşüvi sebebinden yerli sakinlerge evleri yanındaki kanalizatsiyanı teşkermege ve temizlemege tevsiye eteler; reklama levhaları, zayıf qurulışlar, elektrik hatları ve ağaçlarnıñ yanında bulunmamağa ve naqliyatnı qaldırmamağa tevsiye eteler; yalı kenarlarında ve suv anbarlarında yürmemege tevsiye eteler; deñizge çıqmamağa ve içki suv anbarlarında bulunmamağa tevsiye eteler.
Hatırlatamız ki, mayısnıñ 1-nden itibaren vaqtınca işğal etilgen yarımadada yanğınğa qarşı mahsus rejim çalışmaqta.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız