Vaqtınca işğal etilgen Qırımda RF FSBsiniñ hadimleri Niyara Ersmambetovanı — Nıjnöğirsk rayonından aphane hadimini yaqaladılar. Qadın "devlet hainligi"nde qabaatlana. O, endi eki aydır SİZOda buluna, çağına yetmegen balaları ise evde qaldı.
"Tribunal. Qırım epizodı" uquq qorçalayıcı teşebbüsi bunı bildirdi.
Yerli faalcilerniñ "Irade" teşebbüsine bildirgenlerine köre, mayısnıñ soñunda qadınnı "devlet hainligiRF CQniñ 275-nci maddesi"nde qabaatladılar. Eñ az eki buçuq ay devamında Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 1-nci SİZOda buluna.
Uquq qorçalayıcılarnıñ malümatına köre, Ersmambetova işğal etilgen yarımadada muqavemet areketlerinden birinen işbirlikte bulunğanında qabaatlana. Hususan, yaqarlıq ve yağ maddeleriniñ yerleşüvi aqqında malümatnıñ berilmesi aqqında söz yürsetile.
Qadınnıñ eki küçük balası qaldı. Şimdi olarnı onıñ qart babası baqa.
Bu, soñki yarım yıl içinde Qırım sakinleriniñ "devlet hainligi" ya da "diversiya"da qabaatlanıp apiske alınğan eñ az otuzuncı adisedir. Uquq qorçalayıcı teşkilâtlar qayd eteler ki, böyle davalar muntazam bozuluvlarnen — mustaqil advokatlarnıñ olmaması, qapalı mahkemeler ve basqı ve işkencege oğratıluvınen keçe.
Uquq qorçalayıcılarnıñ qayd etkenlerine köre, Niyara Ersmambetovanıñ vaziyeti, halqara gumanitar uquğına köre, cenk cinayeti sayıla bilgeb qanunsız azatlıqtan marum etüvniñ alâmetleridir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız