2025 senesi oraq ayınıñ 1-nde Parisniñ Apellâtsiya mahkemesi Arbitraj mahkemesiniñ Rusiyeni Qırımnıñ işğali neticesinde Oşçadbankına ketirgen zararını ödemege mecbur etken qararınıñ qanunligini qaldırdı. Rusiye Federatsiyasınıñ apellâtsiyası red etildi, ve tazminatnıñ esas miqdarından ğayrı, mahkeme Rusiye tarafından 300 biñ yevro miqdarında mahkeme masraflarını talap etti.
Oraq ayınıñ 3-nde "Oşçadbank" AT, öz resmiy saytında bu aqqında haber etti.
Mahkeme ayrıca tahqiqat qararınıñ Frenkistanda qanuniy olğanını tasdıqladı, bu ise Oşçadbank içün qoşma uquqiy imkânlarnı aça. Daa evel bank Frenkistandaki 87 million yevrodan ziyade olğan rusiye aktivlerini tutıp alğan edi.
"Bizler Rusiye Federatsiyasına qarşı bu kibi davanı qazanğan ilk bank teşkilâtı olamız, ve bu davanıñ ilerlemesini bir çoq ukrayin biznesine Rusiye istilâsından zarar körgenlerniñ tazminatını temin etmek içün adaletke irişmege ümüt bergen bir yol köstergiçi olaraq köremiz", — dep Oşçadbanknıñ yolbaşçısı Serğiy Naumov qayd etti.
Nezaret şurasınıñ azası Roza Tapanovanıñ aytqanına köre, mahkeme qararınen belgilengen tazminat miqdarı 1,5 milliard dollardan ziyadedir, ve bank onı elde etmek içün çalışmağa devam ete.
Aynı zamanda Oşçadbanknıñ idare reisiniñ muavini Arsen Milütin qoştı ki, bank 2022 senesinden başlap devam ettken cenkte zarar körgenler içün tazminat almaq içün delillerni azırlay.
Hatırlatamız ki, 2021 senesi saban ayınıñ 30-nda Parisniñ Apellâtsiya mahkemesi Rusiye Adalet nazirliginiñ Ukrayina "Oşçadbank"ınıñ 1,3 milliard dollarlıq davası boyunca arbitrajda yurisdiktsiyanıñ olmağanına dair noqta-i nazarını destekledi, bunıñnen beraber olar Yatırımlarnıñ teşviqi ve qarşılıqlı qoruvı aqqında añlaşmanıñ tesiri altında degil.
O yılnıñ orta küz ayınıñ "Oşçadbank" Frenkistan kassatsiya mahkemesine Paris Apellâtsiya mahkemesiniñ qararına itiraz arizasını berdi.
2022 senesi ilk qış ayında Frenkistan Yuqarı mahkemesi Paris istinaf mahkemesiniñ qararını lâğu etip, Halqara arbitrajnıñ Rusiyeden "Oşçadbank" faydasına 1,1 milliard dollarnı faizlernen cöremege dair qararını devam ettirdi. Faizlernen beraber, bu qarar 1,5 milliard dollarnı teşkil ete. Bu dava 2015 senesinden berli devam ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız