Qırımda işğal rejimi, yerli sakinlerge basımnı daa da arttıra. İnsanlar tutulalar, siyasiy sebeplerden qabaatlavlar yapalar — hususan, ukrain mahsus hızmetlerinen işbirlik yapqanları, "rus ordusınıñ itibarını tüşürgenleri, studentlerge, diniy cemiyetlerge basım yapqanları. Suspilne Qırım, kiraz aynıñ 9-15 aftası içinde Qırım sakinleriniñ qanunsız yaqalanması ve mahkeme etilmesi aqqında belli olğan er şeyni topladı.
Sevastopolnıñ eki sakini devlet hainliginde qabaatlandı
Qırımda işğalciler Sevastopolnıñ (Aqyarnıñ)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı eki sakinini devlet hainliginde qabaatladılar. Olarnı Ukrayina mahsus hızmetleriniñ vekillerinen işbirlikte bulunğanlarında ve Baş istihbarat idaresine Rusiye arbiy obyektleri aqqında malümat bergenlerinde şübheli sayalar.
RİA "Novosti Krım" bunı bildirdi.
"Genç qadın Rusiye Federatsiyasınıñ havfsızlığına qarşı Ukrayina vekillerinen gizli işbirlik yapmağa qarar berdi. Bu faaliyetke anasını qoştı. 2023 senesi ilk küz ayında o, anası tarafından yapılğan Rusiye Federatsiyası Silâlı quvetleriniñ obyektleriniñ fotoresimlerini, UMNniñ Bİİniñ kontrol etkeni kanalğa internet-messenceri vastasınen yolladı", — dep aytıla haberde.
Qırımda işğalciler "UMNniñ Bİİnen çalışqanı"nda qabaatlanğan qadınnı mahkeme etecekler
Qırımnıñ Canköy rayonınıñ 28 yaşındaki sakini işğalciler tarafından "devlet hainligi"nde qabaatlandı. Rusiye quvetçileri onı "Ukrayina mudafaa nazirliginiñ Bİİ" içün çalışqanından şübheli sayalar.
İşğalli Qırımnıñ prokurorlığı bunı bildirdi.
Rusiye uquq qorçalayıcılarınıñ malümatına köre, 2024 senesi saban ayında qadın Qırımdaki AMS ve Rusiye arbiyleriniñ yerleşüv yerlerini fotoğa çıqardı. Bu iş içün, dava malümatına köre, 15 biñ ruble (4500 ğrıvnâ) miqdarında mükâfat aldı.
Sevastopoldeki işğal makemesi eki "İyegova şaatı"na qarşı çıqarılğan ükümni deñiştirmeyip qaldırdı
Sevastopoldeki işğal makemesi, Viktor Küdinov ve Serğiy Jiğalovnıñ cezalarını deñiştirmeyip qaldırdı. Olar 2017 senesi çiçek ayında Rusiye Yuqarı Makemesi tarafından ekstremist teşkilâtı olaraq tanılğan "İyegova şaatları" diniy birleşmesinde iştirak etkenleri içün 6 yılğa apiske mahküm etildiler. Bu aqta "Qırım jeyeryanı" teşebbüsiniñ saytında bildirildi.
"Körüşüv mahkümlerniñ iştirağınen videokonferentsiya vastası ile keçirildi. Makemeci ceryannıñ açıq olmasına mania olmadı, zalğa bir qaç on adam qabul etildi", - dep, qayd etile haberde.
Qırımda "Rusiye ordusını itibardan tüşürilmesi"ne dair 1382 davası açılğan
Kiraz aynıñ 9 qadar işğal etilgen Qırımda "Rus ordusınıñ itibarını tüşürüvi" aqqında 1382 vaqia qayd etildi. Ceryan, Rusiye nezareti astındaki mahkemelerge ya da yarımadanıñ diger işğalci organlarına barıp yetti, dep haber ete Qırım Muhtar Cumhuriyetindeki Prezident Temsilciligi.
"1218 davası boyunca cöreme qoymaq ya da işlerni birleşken qararlarnen birleştirmesine dair qararı qabul etildi. 61 davası boyunca iş daa devam ete. Qararlarnıñ 49%-de (597) qadınlar aqqında, 51%-de (620) - erkekler aqqında söz kete", – dep, qayd etile haberde.
İşğalciler Qırımda talebelerge seferberlik basımını quvetleştireler
İşğalciler Qırımdaki talebelerge mobilizatsiyan basqısını quvetleştireler. "İç kimse" studentler areketi bildire ki, Qırım federal universitetinden çıqarılğan erkek studentlerniñ sayısı eksilgen soñ, olarğa tezden mobilizatsiyaname berile.
Areket Telegramda bunı bildirdi.
"Ocalar — kafedra reberleri — er bir starostadan, nasıl oquğanını ve bir de bir fenlerden eksik çıqa bilecegini yazmasını rica ettiler. Üç sınavdan keçmegen — bu endi garantiyalı çıqarılmaq emiri, bu universitet qaidelerinde yazılğan", — dep aytıla haberde.
Telegram, WhatsApp, Facebook ve YouTube-ta Suspilne Qırım haberlerine abune oluñız