İşğal etilgen Qırımda qırımtatar yırcısı, Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) "AENK" hastahaneleri ağınıñ tesisçisi Arsen Kursaitov vefat etti.
Bozarğannıñ 3-nde Facebookta Crimean Tatars haber portalı bu aqqında haber etti.
Olarnıñ malümatına köre, Kursaitov balalıqtan berli muzıkanen meraqlanğan edi ve çeşit muzıka yarışları ve festivallerde iştirak etken edi. Onıñ yırlarını "Ana yurt" qırımtatar onlayn arhivinde diñlemek mümkün. Qırımtatarı hayriye işinen de oğraşa edi.
"2020 senesi Arsen Kursaitov "Qaradeñiz Production" studiyasınıñ bir çoq tedbiri ve leyhasınıñ daimiy iştirakçisi ve ortağı olğan "AENK" tibbiy merkezini qurdı", — dep aytıla haberde.
Yırcı ve iş adamınıñ Instagram saifesinde yazılğanı kibi, onıñ ömür arqadaşı ve küçük qızı qaldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız