Перейти до основного змісту

Qırımda baar suvuqlığı bereketni telükege oğrata: işğalciler tereklerniñ 20%e qadar ğayıp olğanını bildirdiler

Bu sene çiçek-mayıs aylarındaki uzun gece suvuqları sebebinden Qırımdaki şeftali, erik ve kirazlarnıñ kelecegi 20%-ine zarar kördi, dep işğal etilgen Qırım köy hocalığı nazirligi bildirdi. Yerli agrarcılar, vaziyet işğalcilerniñ köstergiçlerinden daa beter olğanını aytalar.

Qırım "nazirligi"niñ işğalli yolbaşçısı Denis Kratükniñ "Krım 24" teşviqat neşiri içün bergen izaatında bildirgenine köre, ilk-evelâ suvuqlıqlar ilk erte kiraz, erte erik ve Qırım şeftali zarar körgenler.

"Şimdilik kirazlarnıñ 15-20%-i eksiklik bar, ve şeftali ve eriklerde 20%-i eksiklik bar", — dep qayd etti o.

Kratükniñ malümatına köre, Bağçasaray, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Feodosiya (keçken Kirov), Biloğirsk (keçken Nıjnöğirskıy) rayonları, em de Qurman (keçken Krasnoğvadiyske) köyünde bağçacılıq eñ çoq zarar kördi.

"Krım 24" haberiniñ ekran süreti. Скриншот/заборонена в Україні російська соцмережа "ВКонтакте"

Onıñ aytqanına köre, Qırım içün bu vaqıt içinde gece sıcaqnıñ böyle alçaq olması "az rastkelgen bir anomaliya" ola.

Yazı üstünde insanlarnıñ izaatlarında, tereklerniñ kerçek zararları 80% teşkil ete, dep aytıla.

"Krım 24" yazısı altındaki izaatlarnıñ ekran süreti. Скриншот/заборонена в Україні російська соцмережа "ВКонтакте"

Aynı zamanda Qırım agronomı "Qırım.Aqiqat"qa anonimlik şartınen, kirazlarnıñ 60%-ine qadar ğayıp olğanını, qaysılar aman-aman bütünley yoq etilgeni, erikler, armut ve qara qarağat arasında da büyük ğayıplar qayd etilgeni aqqında tarif etti.

Bundan da ğayrı, o, yağanaqlarnıñ eksikligi sebebinden topraq suvlarınıñ eksikligi qayd etilgenini iddia ete. Qurğaqlıq sebebinden bu sene aşayt mahsulatınıñ bereketi rekord seviyede az ola bilir, bu ise yerli hocalıqlarğa büyük iqtisadiy zarar ketire bile.

Agrarcı, Qırımdaki meyva ve ububat qıtlığı bazar fiyatlarına tesir etecegini ve keçken seneden daa paalı olacağını bildirdi.

Telegram, WhatsApp, Facebook, TikTok ve YouTubede Suspilne Qırım haberlerine abune oluñız

Топ дня
Вибір редакції