"Ateş" arbiy-partizan areketi, işğal etilgen Qırımda Rusiye ordusınıñ arbiy obyektleri yanında patlavlar yüz bergenini iddia ete. Partizanlar yazdılar ki, anda olğan askerlerniñ ölümi aqqında malümat bar.
Partizan areketi öz Telegram kanalında bunı yazdı.
"Agentlerimiz, 126 ayrı deñiz qoruvı brigadasınıñ arbiy bazasını ve 8 ayrı artileriya polkunı qaplap alğan, Perevalne mesken yeriniñ civarında patlavlarnı qayd ettiler. Yedekte nevbette bulunğan arbiylerniñ ölümi aqqında malümat bar", — dep aytıla haberde.
Yarımadada ava mudafaasınıñ işi aqqında şeer "gubernatorı" Mihail Razvojayev de haber etti. O, yüksek sesli patlavlar ve kökte uçucısız uçaq alerleri aqqında ayttı.
"Şimdiki vaqıtta şeerde eşitilgen gürültü — bizim arbiy adamlarımıznıñ işi. İlk malümatqa köre, 6 UUA deñizde, yalıdan uzaq mesafede yoq etildi", — dep Razvojayev ayttı.
Lâkin soñra belli oldı ki, Angara keçitinden Aluşta — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yolu bütün naqliyat içün qapalı. Sebebi belli degil. Saat 8:41-ge qadar yol areketi qısmen ğayrıdan tiklendi.
"Aluşta şeerine doğru Simferopol (Aqmescit) rayonınıñ Lozoveden naqliyat vastalarınıñ areketi ğayrıdan tiklendi. Naqliyat revers rejiminde areket ete", — dep işğalli naqliyat nazirligi bildirdi.
Saat 8:26-da uçucısız uçaq aletleriniñ sesleri Qaçı rayonında eşitildi. Suspilne Qırım menbaları patlavlar aqqında malümatnı tasdıqladılar.
Rusiye Mudafaa nazirligi bildirdi ki, gece ava mudafaası 64 dronnı: 43-ü Qara deñiz üzerinde, 21-i — Qırım toprağı üzerinde yoq etti.
Qayd etilmeli ki, Ukrayina resmen işğal etilgen Qırımda patlavlar aqqında malümatnı tasdıqlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız