Ukraina uquvetçileri, işğal etilgen Qırımda Rusiye tasil standartlarını kirsetken Ukrayina vatandaşına duşmannen işbirlik faaliyetiUkrayina Cinayet qanunnamesiniñ 111-1-nci maddesiniñ 3-nci qısmınde şübe bildirdiler. Oña 3 yılğa qadar apis cezası ve 15 yılğa qadar faaliyet aqqından marum etüv cezası berile bilir.
Mayıs ayınıñ 5-nde Qırım Muhtar Cumhuriyeti ve Sevastopol (Aqyar) şeeri prokurorlığı bu aqqında haber berdi.
Taqiqat, şübeli qadın 2022 senesi kiçik qış ayından başlap işğal etilgen Qırım cumhuriyet pedagogik tasil institutınıñ "Pedagog hadimleriniñ ihtisasiy ustalığınıñ devamlı yükseltilmesi merkezi"niñ "tasil keyfiyet merkeziniñ müdiri", 2023 senesi saban ayından başlap ise "Qırım cumhuriyet pedagogik tasil institutı"nıñ "Pedagogik hadimlerniñ ihtisasiy ustalığınıñ devamlı yükseltilmesi merkeziniñ funktsional oquma bölüginiñ müdiri" olıp çalışqanını ögrendi.
Qırım Muhtar Cumhuriyetindeki UHHUkrayina Havfsızlıq hızmetiniñ baş idaresiniñ qayd etkenine köre, 2023 senesi o, biologiya dersleriniñ "usulı"nı işlep çıqardı, onıñ esasında ocalar derslerge "vatanperverlik terbiyesi" unsurlarını kirsetmek ve talebelerge Rusiye mefküresini aşılamaq kerek ediler.
Bundan da ğayrı, "tasilci" pedagoglar içün bir qaç "iş defteri"ni yazdı, olarnı Rusiye tarafdarı ikâyelerini tarqatmaq içün qullanalar.
Bundan ğayrı, UHH qayd etti ki, 2022-2024 seneleri vatandaş, Qırım mekteplerinde Rusiye Federatsiyasınıñ tasil standartlarınıñ kirsetilmesi boyunca "seminarlar"nı keçire edi.
Hatırlatamız ki, 2014 senesinden başlap işğal etilgen Qırımda tasil radikal deñişmelerge oğradı: Ukrayin tilinde oqutuv aman-aman bütünley yoq etildi, oquv programmaları ise Rusiye standartlarına uyğunlaştırıldı. Bu, Ukrayina ve Qırımtatarlarğa nisbeten ayırımğa yol berdi, bu, Birleşken Milletler Teşkilâtınıñ Halqara mahkemesiniñ 2024 senesi qara qış ayınıñ 31-nde çıqarğan qararınen tasdıqlandı, dep prezidentniñ QMC temsilcisiniñ muavini Denıs Çıstikov bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız