Çiçek ayınıñ 9-ınıñ gecesi işğal etilgen Aqyarda patlamalar duyuldı. RF Mudafaa nazirligi, Qara deñizde "Neptun" raketasını tüşürgenini bildirdi.
Yerli sakin Suspilne Qırımğa bu aqqında haber berdi. Gece saat 01:00de birinci patlama duyuldı, 30 daqqadan ise ekinci patlama duyuldı.
Aynı zamanda Rusiye Mudafaa nazirligi bildirdi ki, Qırımnıñ yalısı yanında "Neptun" ukrain raketası "tüşürildi".
"Ava mudafaası sisteması, Belhorod (2 uçucısız alet) ve Voronej (2 uçucısız alet) vilâyetleri avasında dört ukrain uçucısız aleti tüşürildi, Qırım yarımadasınıñ yalısı yanında Qara deñizde ise ukrain raketası tüşürildi", — dep bildirildi.
Telegram ve Facebookta Suspilne Qırım haberlerine abune oluñız
