İşğalciler, YouTube kanalınıñ begengen yırlar cedveline keçken sene "Çervona qalına" qoşqanı sebebinden işğal etilgen Qırımnıñ Aqmescitniñ sakinini 8 künge tevqif ettiler.
Telegram kanalı "Makeme. Qırım levhası" bu aqqında haber berdi.
MBQniñ 20.3. maddesine ("natsizm işaretlerini kösterüv") binaen işğal makemesi onı qabaatlı tanıdı. "Makeme" qarar berdi ki, bütün yırlar, Rusiyede aşırıcılıq teşkilâtı olaraq tanınğan "UPAnıñ resmiy olmağan gimndir".
Aynı zamanda makeme oturışında Kosterinanıñ begengeni yırlar cedvelindeki yırnıñ, Federal aşırıcılıq malümatı cedvelinde olıp-olmağanı ögrenilmedi.
"Makeme" "Aşırıcılıqqa qarşılıq merkezi"niñ protokolı ve "E" Merkeziniñ operativ işçisiniñ esabatına köre qadın tevqif etmege qarar berdi. Telegram kanal tüşüne ki, tevqif qararını bermek içün bu yeterli olmay.
"Muzıka eserleri meselesinde böyle umumiyleştirici usul inanılmaz, çünki misal içün, rus yırcısı Oleksadnr Malinin öz kontsertlerinde "Çervona qalına" türküsini yırlay edi, "Tek qartlar cenkleşmege keteler" eski şura filminde aktör Leonid Bıkov, şu türküniñ sözlerini yırlay. Bu malümat, aşırıcı olaraq alâ daa tanınmadı, onı yayınlamaq yasaq degil, YouTube ve içtimaiy ağlarda çoq sayıda açıqça bar", — dep bildirildi.
Telegram ve Facebookta Suspilne Qırım haberlerine abune oluñız
