Cuma künü saban ayınıñ 1-inde işğal etilgen Aqyar şeerinde ava telükesi bildirilgen soñ Ava mudafaası sistemasınıñ işine beñzegen sesler duyuldı. Bundan ğayrı, Kezlev şeerinde eki şiddetli patlama duyuldı.
Yerli sakin Suspilne Qırımğa bu aqqında haber berdi.
UPD: Saat 15:32de Aqyarnıñ "gubernatorı", şeerde va telükesiniñ bitkenini bildirdi.
"Sarabuzda bir qaç şiddetli patlama duyulğan soñ şeer üzerinde tuman dağılıp ketti. Şu anda Sarabuz şeeriniñ qısmı elektriksiz", — dep yerli sakin ayttı.
"Aqyarda acele yardım maşnaları bir yerge keteler", — dep "Ateş" arbiy-partizan areketiniñ agentleri öz Telegam kanalında haber berdiler.
"Ava telükesi bildirmeden evel nasıldır küçlü sesler, rus Ava mudafaası sistemasınıñ işine beñzegen sesler duyuldı... Ses yañğıratqıçlar "Diqqat! Ava telükesi!" dep bildire", — dep Aqyarnıñ sakinlerindne biri Suspilne Qırımğa añlattı.
Şeerniñ işğal gubernatorı Mihail Razojayev öz Telegram kanalında qayd etti ki, Aqyarda Ava mudafaası sisteması çalışa.
"Bütün hızmetler, arbiy azırlıq alındalardır", — dep qoştı o.
Bundan ğayrı, Razvojayev bildirdi ki, içeri reyd, Aqyar ve Çoban Limanları rayonındaki tuman, ruslarnıñ qullanğanları maskalanma aletleridir.
"Acele şeer hızmetleri, Aqyarda astyapınıñ bozmalarını qayd etmediler", — dep qoştı o.
Aynı zamanda Kezlevde de patlamalar duyuldı.
"Tışarıda edim, tükânğa ketkende eki şiddetli patlama duydım", — dep yerli sakin Suspilne Qırımğa añlattı.
Bundan ğayrı, şaatlar Qırımnıñ Aqmescit rayonınıñ Sarabuz şeerindeki arbiy baza rayonında patlamalar aqqında haber berdiler.
Telegram ve Facebookta Suspilne Qırım haberlerine abune oluñız
