"26-2-14: Qırımda cenk başlandı" forumınıñ açılışında Ukraina prezidenti Volodımır Zelenskıy bildirdi ki, 2014 senesi kiçik aynıñ 26-sında pek çoq şey deñişti. O qayd etti ki, işğal etilgen Qırım ve başqa topraqlarnı qaytarıp, Rusiyeni mesüliyetke çekip, Ukraina öz talaplarına köre cenk bitire bilir. Amma bunı yapmaq içün cenkleşmek kerek.
Maqbul forumda bu aqqında haber berdi.
Kemlik yoq olacaq vaqıt cenkler kerçekten bitirir. Tamam bunıñ içün adalet duyğusı, barışın ıntıluvı yanında olmalı. Şu cümleden Qırım unutmamaq, Qırım içün cenkleşmek, Rusiyeniñ Qırımğa ketirgeni, bütün Ukrainağa ve başqa halqlarnıñ topraqlarına tarqatmağa istegeni kenlikke qarşılıq köstermek kerek. Bütün seviyelerde, bütün dünyada rus kemligine aqiqiy qarşılıqnıñ seviyesini arttırmalımız. Qırım ve Ukrainanıñ başqa işğal etilgen topraqlarındaki insanlar içün cenkleşmelimiz. Halqara uquqnıñ Qırımğa ve başqa er bir topraqqa dair quveti yañıdan çalışqance cenkleşmelimiz", — dep ukrain lideri qayd etti.
O qoştı ki, ukrainalılar da qırımtatar halqınıñ öz evinde yaşamaq aqqı içün cenkleşmeliler.
Ukraina devletiniñ başınıñ sözlerine köre, rus revanşızmını yoq etmek kerek — kerçekten de cenk bitirmek kerek.
"Qırımnı unutmağan, Qırımğa dair quvetlerimizge yardım etken er kes sağ oluñız. Askerlerimizge yardım etkenler sağ oluñız. Qırımda işğalcilerge qarşılıq köstergenler sağ oluñız. Öz göñlüni rus kemligine bermegenler sağ oluñız. Rus rejimi tarafından repressiya etilgen insanlarnı azat etmege yardım etkenler ve bu insanlarğa yardım etkenler, olarnıñ adaletke, quvetine, Ukrainağa işançını saqlağanlar sağ oluñız. Bütün bizim esir etilgen, Ukrainadan sürgün etilgen insanlarımıznı, qırım siyasiy mabüslerini evge qaytmaq, bizim esas prioritetimizdir. Ve bunı yapmağa yardım etken ülkelerge minnetdarım", — dep Zelenskıy qayd etti.
Telegram ve Facebookta Suspilne Qırım haberlerine abune oluñız
