Makeme, Qırımdaki UTHniñ eski reberi Oleh Kuliniçniñ davasına apellâtsiya şikâyetini baqıp qanaatlendirmedi

Makeme, Qırımdaki UTHniñ eski reberi Oleh Kuliniçniñ davasına apellâtsiya şikâyetini baqıp qanaatlendirmedi

Ексклюзивно
Makeme, Qırımdaki UTHniñ eski reberi Oleh Kuliniçniñ davasına apellâtsiya şikâyetini baqıp qanaatlendirmedi
Qırımda UTHniñ eski başı Oleh Kuliniçnen makeme oturışı, 2023 senesi orta küz ayınıñ 18-i. Суд у справі ексочільника СБУ у Криму Олега Кулініча, 17 жовтня 2023 року. Фото: Анна Сергієць

Kıyiv apellâtsiya makemesi, Qırım Muhtar Cumhuriyetindeki Ukraina Telükesizlik hızmetiniñ eski reberi Oleh Kuliniçke qorçalayıcı tedbri aqqında qararğa apellâtsiya şikâyetini baqıp, ükümini deñiştirmedi. Onı devlet hainliginde qabaatlaylar.

Qabaatlanğan adamnıñ advokatı Dmıtro Palamarçuk bunı Suspilne Qırımğa añlattı.

Bildirildi ki, 2023 senesi ilk qış ayınıñ 13-ünde Şevçenkivskı rayon makemesi bu ükümine binaen tevqif şeklinde qorçalayıcı tedbirini 60 künge uzatıldı. Şu anda üküm deñişmedi, qorçalayıcı tarafnıñ apellâtsiya şikâyeti ise qanaatlendirilmedi.

"Kuliniç O.M.nıñ tevqif şeklinde qorçalayıcı tedbirini 60 künge uzatqan üküm aqqını alğan soñ apellâtsiya makemesinde oturış keçirildi. Ve böyle vaqialar er vaqıt ola, çünki apellâtsiya makemesi, qorçalayıcı tedbirler aqqında yañı ükümler çıqarılğan soñ üküm çıqarır. Şu anda 2024 senesi qara qış ayınıñ 30-ında Şevçenkivskıy rayon makemesiniñ ükümine köre Kuliniç O.M.nıñ tevqif şeklinde şeklinde qorçalayıcı tedbiri 60 künge, yani 2024 senesi saban ayınıñ 29-ına qadar uzatıldı", — dep uquq qorçalayıcı qayd etti.

Oleh Kuliniç aqqında ne bilemiz

  • 2022 senesi oraq ayınıñ 17-sinde UTH ve DTB, Qırımdaki UTHniñ eski başı Oleh Kuliniçni tuttılar.
  • Uquq qorçalayıcılarnıñ bilgilerine köre, eñ az 2019 senesiden başlap Oleh Kuliniç ruslarnen çalışqan edi. RF Federak telükesizlik hızmetiniñ işçileri onen işdeşlik yaptılar, onıñ lâğabı "Kotığoroşko" edi.
  • Kuliniçke devlet hainliginde (Ukraina CQniñ 111. maddesiniñ 1. qısmı) ve cinaiy teşkilâtnı yaratmaqta (Ukraina CQniñ 255. maddesiniñ 3. qısmı) şübe bildirdiler. Onı 15 senege maküm ete bilirler.

Telegram ve Facebookta Suspilne Qırım haberlerine abune oluñız

На початок