Ukraina Mudafaa nazirliginiñ Baş istihbarat idaresi bildirdi ki, işğal etilgen Qırımda çalışacaq ukrain istihbaratınıñ faal areketler bölüklerine askerlerni alalar.
Öz Telegram kanalında Ukraina MNniñ Bİİ bu aqqında haber berdi.
"Dağlarda kök güdürdisini begenesiñmi? Qırım dağlarında onı soñ kere ne vaqıt eşittiñ? Belki bizden beraber bunı yapmağa vaqıt keldimi? Ukraina MNniñ Bİİniñ faal areketler bölüklerine qatıl ve bulunğanları yerge baqmadan duşmanlarğa aqiqiy kök güdürdisini yapa bilmek imkânı olacaq", — dep bildirildi.
Müessise qayd etti ki, faal areketler bölükleri, Baş istihbarat idaresiniñ "eñ nezaketsiz planları"nı yerine ketireler. Bu planları sebebinden eñ uzaq yerlerde, işğalcilerniñ flotunıñ limanlarında, uçaq limanlarında rus askerleriniñ qulaqlarında güdürdi olacaq.
"Olar, Vatanımızğa qarşı yaramazlıq yapqan er kesni tapacaq şu ceza qılıcıdır!", — dep ukrain istihbaratı qayd etti.
Bİİniñ mahsus bölügine qatılmaq içün ariza anketasını toldurmaq ve telefon çalmasını beklemek kerek.
Telegram ve Facebookta Suspilne Qırım haberlerine abune oluñız
