2023 senesi Qırımda 52 sağlıq aqqı bozması qayd etildi - Qırımtatar Maaliy Merkezi

2023 senesi Qırımda 52 sağlıq aqqı bozması qayd etildi - Qırımtatar Maaliy Merkezi

2023 senesi Qırımda 52 sağlıq aqqı bozması qayd etildi - Qırımtatar Maaliy Merkezi
İlüstrativ foto. Фото: wikipedia.org

2023 senesi işğal etilgen Qırımda 52eñ yüksek seviyeli ruhiy ve bedeniy sağlıq aqqı bozması qayd etildi, 43-ü qırımtatarlarğa qarşı.

Qırımtatar Maaliy Merkeziniñ (QMM) işğal etilgen Qırımda insan aqları bozmalarınıñ talilinde bu bilgiler qayd etildi.

Bildirildi ki, aynı devirde 2022 senesi 36 bozma, 2021 senesi ise 135 bozma qayd etildi.

Bu bozmalar apishanelerde siyasiy mabüslerniñ zayıflaşqan sağlığınen, advokatlarnıñ şikâyetnameleriniñ körmemezlikke urulmasınen, kerekli tibbiy yardım berilmesinen bağlıdır.

2023 senesi Qırımda 52 sağlıq aqqı bozması qayd etildi
Sağlıq aqqı bozulğan insanlar cedveli (ukrain tilinde). Перелік людей щодо яких було порушено право на здоровʼя

Bundan ğayrı, rus apishanelerinde kerekli tibbiy yardım bermegenleri sebebinden keçken sene eki siyasiy mabüs: Cemil Ğafarov ve Konstântın Şıring vefat ettiler.

QMM qayd ete ki, şu anda işğalciler apishanelerde em qart, em ağır hastalanğan saqatlı insanlarnı tutalar. SİZO ve apishanelerde uyğun olmağan şartlar sebebinden, sağlıqqa şikâyetlerni muntazam tarzda körmemezlikke urğanları ve vaqtında tibbiy yardım bermegenleri sebebinden tevqif etilgen insanlarnıñ sağlığı zayıflaşıp tura. Neticesinde er şey pek yaramay bite bilir.

Telegram ve Facebookta Suspilne Qırım haberlerine abune oluñız

На початок