Muhtariyet prokurorlığı, Ukraina devlet sıñırınıdanUkraina CQniñ 332. maddesiniñ 3. qısmı insanlarnıñ qanunsız sürgünine bağlı olğan "Severstal" rus uçaq şirketiniñ baş müdirine şübe bildirdi. O yedi-doquz senege maküm etile bilir.
Qırım MC ve Aqyar şeeriniñ prokurorlığınıñ matbuat hızmeti bu aqqında haber berdi.
Taqiqatçılar ögrendiler ki, "Severstal" rus uçaq şirketi"niñ baş müdiri vazifesini yapqan Rusiye vatandaşı 2018 senesinden ve bugüngece "Aqyar" qapalı halqara uçaq limanına ve ondan qanunsız muntazam yolcularnıñ ava taşımalarını idare ete.
"Şu cümleden, şübelengen adam Çerepovtsı, Pertozavodsk, Uhta ve başqa "rus uzaqlıqta bulunğan şeerleri"nden reyslerni tamin etti. 2018 senesinden başlap ve bugüngece onıñ reberliginen işğal etilgen yarımadada yerleşken "Aqyar" qapalı halqara uçaq limanına ve o yerden tahminen biñ qanunsız reys yaptı", — dep prokurorlıq bildirdi.
Bundan ğayrı, uquq qorçalayıcılar qayd ettiler ki, yolcularnıñ taşımalarını planlaştırğanda şirket, "Severstal"nıñ uçaqlarınıñ qanunsız yollarını tasdıqlaması içün Rosgvardiyanen bağlana edi.
Telegram ve Facebookta Suspilne Qırım haberlerine abune oluñız
