İşğal etilgen Aqyarda pek yağmurlı ava sebebinden qara qyış ayınıñ 18-iniñ aqşamı ve 19-ınıñ gecesi 34 ev suvnen batıldı, o yerden 19 insannı tahliye ettiler. Bu devirde aylıq yağmur normasınıñ üçte biri yağdı.
Telegramda şeerniñ işğal gubernatorı Mıhiy Razvojayev bu aqqında haber berdi.
UPD: Aqyarnıñ "akimiyeti" bütün Aqyar mekteplerinde qısqartılğan oquv kününi ilân etti, amma bala bağçaları adiy rejimde çalışa.
Aqyarda yüksek suv seviyesi sebebinden 18 aststanstiya kesildi. Saat tahminen 18:00ge qadar aşağıdaki meskün yerler elektriksiz qalacaq:
- Hmelnitske;
- Saharna Ğolovka;
- Şülü;
- Çorğuna;
- Uppa.
"Gubernator" sanitar ihtiyaclar içün suv almağa rica ete, çünki anda moskva saatinen 12:30ta suv qapatılacaq.
"3. suv merkezine kirli suv ketkeni sebebinden şeer suv merkezleriniñ işini (tahminen 5-6 saatqa) toqtatmağa qarar berdiler. Bu vaqıt devamında Belbek özenindeki suv toplayıcıdan üçüncü suv merkezine kerekli suv miqdarını tamt etecekmiz ve saat tahminen 18:00de suv yañıdan berilecek", — dep Razvojayev bildirdi.
Aqyarda yağmurlı ava sebebinden aşağıdaki yerler suvnen batıldı:
- "Saharna Ğolovka" bağça teşkilâtı: tahminen 40 damartı, olardan 19-ında evler bar, anda da suv yoq;
- Papadiye çıqmaz soqağı: dört ev suvnen batıldı, ekisinde suv yoq;
- Varnautka köyü: 14 будинків підтоплено;
- Çorğuna köyü: yedi ev ve bir qaç damartı suvnen batıldı.
Şu evlerden 19 insan tahliye etildi, olar aqrabalarınıñ evlerinde yerleştiler. Bundna ğayrı, vaqtınca yaşayış noqtaları yağmurlı ava sebebinden zarar körgen insanlarnı qabul etmege azır.
Bazı qara yollarnı suvnen batıldı ve çaqıl taraflarğa yuvula. Şu cümleden, Yalta — Aqyar, Toropova daça rayonında, Varnautka — Yalta, Peredove — Qart Mışıq, Hayto — Baydar, Baydar — Foti Sala — Qart Mışıq. Ozörnoyege yolda da kiriş sıñırlandı.
"Çoq tıynaq ve yapma gölü azamiy tarzda tolu. "Toropova daça" tıyağınıñ GTS kompleksini pekitici işler yapıla. Aqyar qurtarıcı hızmet, Aqyar maşna yol idaresi, OOPTnıñ müdirligi ve orman hocalığınıñ quvetlerinen Belbek, Qaçı, Balaklavka özenleriniñ yataqları, köpür geçitleri temiz etile", — dep Razvojayev qayd etti.
Aqyardaki işğal NMSte bildirgenlerine köre aqşam ve gece devrinde 13 millimetr yağanaqlar yağdı. Bu, aylıq yağmur normasınıñ üçte biridir.
Bundan ğayrı, Saharna Ğolovka rayonında Çorğun özeni taşqanı sebebinden tavhaneler ve başqa inşaatlar suvnen batıldı.
Telegram ve Facebookta Suspilne Qırım haberlerine abune oluñız
