2023 senesi Qırımda işğalciler 173 insan tuttılar, 65 ev tinttiler, 217 insan tevqif ettiler, 186b insan sorattılar, adaletli makeme aqqını deyerli 300 kere ve sağlıq aqqını eñ az 50 kere bozdılar. Mezkür vaqialarnıñ çoqusı qırımtatarlarğa qarşıdır.
2023 senesi işğal etilgen Qırımda insan aqları bozmalarını talil etici matbuat konferentsiyasında Qırımtarar Maaliy Merkeziniñ (QMM) Başı, Qırımtatar Milliy Meclisiniñ uquqiy meseleler ve tış işleri idaresiniñ başı Eskender Bariiev bu aqqında haber berdi.
QMMniñ bilgilerine köre keçken sene yarımadada aşağıdaki insan aqları bozmaları qayd etildi:
- Tutulğan — 173 insan (119 — qırımtatarlar). 2022 senesi 121 insan, 2021 s. ise 366 insan tutuldı;
- Tintilgen — 65 ev (46 — qırımtatarlarnıñ evleri). 2022 senesi 50 ev, 2021 s. ise 53 ev tintildi;
- Tevqif etilgen — 217 insan (142). 2022 senesi 193 insan, 2021 s. ise 210 insan tevqif etildi;
- Soratılğan — 186 insan sorattı ve "laf etti" (131);
- Etap etilgen — 68 insan (59). 2022 senesi 26 insan, 2021 s. ise 37 insan etap etildi;
- Habersiz ğayıp olğan — eki insan (boş aynıñ 3-ünde Server Aiyev ve Ferhad Soliyev);
- Adaletli makeme aqqı bozmaları — 280 kerek, advokatlarnıñ şikâyet arizaları red etildi ve para cezası berildi (188);
- Sağlıq aqqını bozmaları — bedeniy ve ruhiy sağlınıñ eñ yüksek seviyesinde eñ az 52 bozma (43). Eki qırım siyasiy mabüsi elâk oldı — Konstântın Şırinğ (kiçik aynıñ 7-sinde Novotroitsktaki 5. müstemlekede) ve Cemil Ğafarov (kiçik aynıñ 10-unda Novoçerkasktaki SİZOda).
2023 senesi Qırımda insan aqları bozmaları. Фото: Кримськотатарський Ресурсний Центр
"Biz yekânelikke ve variantsızlıqqa iddia etmeymiz, amma açıq-aydın şekilde añlata bilgenimiz ve kerçekten aqqında aqiqiy malümat toplağanımız şey, bu bilgilerniñ er biriniñ bir soyadı, adı bar. Yani bu, bir yerden alınğan raqamlaq degil, aqiqiy raqamlardır", — dep Bariiev añlattı.
Telegram ve Facebookta Suspilne Qırım haberlerine abune oluñız
