«Ateş» arbiy-partizan areketiniñ agentleri, Aqyar-Kefe 18. gvardiya raketa zenit polkınıñ toprağına kirdiler ve işğal etilgen Qırımda rus ordusınıñ içine muvafaqiyetnen kireler.
Öz Telegram kanalında «Ateş» bu aqqında haber berdi.
«Qaravullar öz cep telefonlarına diqqat etkende biz er şey tezce añlaya ve qayd ete bildik. Elbette, mezkür arbiy qısımğa mobilizatsiya etilgen insanlar bizge yardım ettiler. Olar, foto ve video çıqarmamız içün eñ yahşı yerlerni kösterdiler», — dep bildirildi.
Partizanlar, bu arbiy qısımnıñ koordinatlarını da yazdıalr: 45.050157, 35.383069.
Bundan ğayrı, «Ateş»niñ Qırım agentleri mobilizatsiya olunğan soñ Kezlev rayonında (sabıq Saq rayonı) «kelecekte yoq etilecek» benzin maşnaları ve komandan-ştab maşnalarını qaravul eteler.
«Olarnıñ bölükleriniñ terkiplerinde yerli Ava mudafaası sistemasına ukrain raketalarını ve uçucısız aletlerini tüşürmege yardım etken RLS gruppası bar. Yaqın kelecekte o yardım etmege toqtaycaq», — dep partizanlar qoştılar.
Olar, Ukraina Mudafaa Quvetlerine bütün malümat bereler.
«Daa çoq körmek mümkün ki, rusiye silâlı quvetleriniñ askerleriniñ büyük qısmı, bizim agentlerimiz ola. Bunıñ sebepleri farqlıdır. Para ödememesinden başlap Moskvanıñ ğaye nazar noqtasına qadar», — dep qayd etildi.
Telegram ve Facebooktа Suspilne Qırım haberlerine abune oluñız
