Ukraina Silâlı Quvetleriniñ Ava quvetleri, qara qış ayınıñ 14-ünde işğalcilerniñ A-50 uzaq radiolokatsiya uçağı ve İl-22 ava idare noqtasınıñ yoq etilgenini tasdıqladı.
UPD: USQniñ Ava Quvetleriniñ nutuqçısı Yuriy İgnat, rus KHVnıñ yayınlağanı bozulğan İl-22niñ fotosını Facebookta tefsir etti.
"İl-22 Anapada otura bilgen eken. Canlı pis. Amma, körgeniñiz kibi, bu legen "tamir etilmez". Bunıñ içün ne olsa olsun, maqsadımız yoq etildi, reanimatsiya yardım etmez! Uçaq yana edi, hadimler arasında yaralanğanlar bar, ümüt etem ki, 200.lerölgenler de bar", — dep qayd etti o.
İgnat qoştı ki, Ava Quvetleri içün A-50 rus uçağı, prioritetli maqsat qala.
"Bugüne qadar bu uçaqnıñ yoq etilmesi, Ava Quvetleri içün inanılmaz ve pek zor bir vazife kibi körüne edi. Amma aynı zamanda İl-22 de (ava komandan noqtası) bozuldı", — dep yazdı o.
Öz Telegram kanalında USQniñ Ava Quvetleri bu aqqında haber berdiler.
“Duşmannıñ A-50 uzaq radiolokatsiya uçağı ve İl-22 ava idare notası yoq etildi! Prıazovyadaki mahsus operatsiya muvafaqiyetli edi. Devamını bekleñiz”, - dep bildirildi.
Telegramda USQniñ baş komandanı Valeriy Zalujnıy, radarlardan ğayıp olmağa başlağanda başqa yerge ketirilgen rus ucaqlarınıñ haritasınen bir video yayınlap, bunı tasdıqladı.
İçtimaiy ağda rus işğalcileri, qara qış ayınıñ 14-ünde bozulğan İl-22M ava komandan noqtasınıñ fotosını yayınladılar. Uçaq bozulğan soñ Anapada oturacaq edi ve tahliye, acele yardım ve yanğıncılarnı çağırdı.
A-50 ve İl-22niñ Azaq deñizi üzerinde yoq etilmesi aqqında ne bilemiz
Bundan evel Mudafaa quvetlerinden menbalar Suspilnege añlattılar ki, o kün Rusiyeniñ ava-kâinat quvetleriniñ A-50 arbiy uçağı tüşürildi ve İl-22M11 ava komandan noqtası bozuldı.
Qara qış ayının 14-ünde saat tahminen 21:00de İl-22M11 ava komandan noqtası Herson vilâyetiniñ Strilkove rayonında nevbetçilik etkende bozuldı. Bozulğan soñ Anapada oturacaq edi ve tahliye, acele yardım ve yanğıncılarnı çağırdı.
USQniñ Ava Quvetleriniñ komandanı Mıkola Oleşçuk bildirdi ki, qara qış ayınıñ 14-ünde Dniproğa ateş açqan işğalciler ceza aldılar ve A-50niñ Azaq deñizi üzerinde yoq etilgenine ima etti.
Aynı zamanda "Pivden" OKnıñ birleşken matbuat merkziniñ reberi Natalâ Humenük haber berdi ki, Ukraina rus uçaqları içün ceenübiy tarafta "yaramay ava arbiy şartları" aqqında evelden tenbiyeledi.
Bundan ğayrı, RF prezidentiniñ nutuqçısı Dmıtro Peskov rus KHVa Rusiyeniñ eki arbiy uçaqnıñ Azaq deñizi üzerinde ğayıp olğanını tefsir etmege red etti.
İl-22M, ava komandan noqtasıdır. Arbiy areketler vaqtında o vastasınen ordu idare etmek mümkün. Bu tür uçaq avada buluna ve operativ-taktik raketalarnen bozulmaz. Military Balance 2022niñ malümatına köre, rusiyeniñ Ukrainağ tolu miqyaslı tecavuzınıñ başında Rusiyeniñ 12 Il-22M uçağı ve 10 İl-22 (daa eski tür) uçağı bar edi.
Raketa ücümleri vaqtında A-50 rus raidolokatsiya uçaqları uça ve Ava mudafaası sistemasınıñ raketa uçuruvlarını qayd ete ve böylece olarğa zenit aletlerinden ketmege yardım ete. Şu anda rus Arbiy-kâinat quvetleriniñ doquz A-50 uçağı ve dört zemaneviy A-50U uçağı bar. Uçaqlar, İl-76 şura yük uçaqlarınıñ şasisine esaslana.
Telegram ve Facebookta Suspilne Qırım haberlerine abune oluñız
