Dünya okeanınıñ er bir yerinde RF ADQF bayrağını taşığan ketken gemiler Ukraina içün "qanuniy maqsat" olacaq — Neyijpapa

Dünya okeanınıñ er bir yerinde RF ADQF bayrağını taşığan ketken gemiler Ukraina içün "qanuniy maqsat" olacaq — Neyijpapa

Dünya okeanınıñ er bir yerinde RF ADQF bayrağını taşığan ketken gemiler Ukraina içün "qanuniy maqsat" olacaq — Neyijpapa
Ukraina SQniñ Arbiy-Deñiz Quvetleriniñ komandanı, vitseadmiral Oleksaiy Neyijpapa. Фото: Facebook/ВМС ЗСУ

Dünya okeanınıñ er bir yerinde Rusiye Arbiy-deñiz flotunıñ bayrağını taşığan gemiler, Ukraina içün "qanuniy maqsat" olacaq.

"Ukrainska pravda"ğa intervyu bergende Ukraina SQniñ Arbiy-Deñiz Quvetleriniñ komandanı, vitseadmiral Oleksaiy Neyijpapa bunı bildirdi.

ADQniñ komandanı, Abhaziyada yañı rus deñiz bazasınıñ qurucılığı aqqında malümat tefsir etti.

"Böyle malümat bar. Kerçekten de bu baza degil, baza noqtasıdır. Gemilerni saqlamaq içün qurula eken. Çünki bütün flot bir bazada saqlanmaz. Novorosiysk, ayrıca qış mevsiminde ava şartları sebebinden baza içün hoş bir yer olmay", — dep qayd etti o.

Neyijpapanıñ sözlerine köre, Aqyardaki bazaz pek qapalı, yellerde saqlanğan ve gemiler bazası içün coğrafiya ceetinden pek yahşı bir yer, amma Novorosiysk limanı aksine RFnıñ gemileri içün pek oñaytsız bir yerdir.

Abhaziyadaki rus bazasınıñ Ukraina içün qanuniy maqsat olıp olmaycağına: "Bizim içün qanuniy maqsat, Rusiye Arbiy-deñiz flotunıñ Andrey bayrağınen ketken er bir gemidir. Ne yerde olsa olsun, dünya okeanınıñ er angi bir yerinde" dep cap berdi.

Hatırlatamız ki, Rusiye Qara ve Azaq deñizlerini öz arbiy maqsatlarınen qullana. Şu anda Rusiye, Azaq deñizini tamamınen kontrol ete.

Zmiyinıy adası ve böyle degen "Boyka quleleri" azat etilgen soñ Rusiyeniñ Qara deñizdeki akimiyeti azaldı.

Telegram ve Facebookta Suspilne Qırım haberlerine abune oluñız

На початок