Herson vilâyetiniñ Novotroyitska cemaatınıñ Dıvne köyüniniñ işğal başı 51. yaşındaki Qırım sakini Serhiy Şabatura oldı. 2023 senesi mayıs ayından berli o, ukrain sanktsiyaları astında buluna.
Jurnalist taqiqatları merkezi bu aqqında haber berdi.
Şabatura Serhiy Gennadiyovıç Aqmescite şeerinde doğdı ve yaşay. Rusiye Qırımnı qanunsız işğal etken soñ "Edinaya Rıssiya"dan qarar berici rey aqqınen Aqmescitniñ Zaliznıtsâ rayonınıñ yerli "saylav eyyeti"niñ azası oldı.
2023 senesi mayıs ayından berli ukrain sanktsiyaları astında buluna.
Belli ki, 2023 senesi arman ayında Şabatura köyniñ başı oldı, faqat yerli sakniler, yañı işğal başınıñ nasıl körüngenini uzun zaman bilmey ediler. Bu sebebinden Duvnede deyerli körünmedi, Sarı Bulat qasabasından uzaqtan "reberlik" etmege tırışa edi.
Kerçekten de Şabatura degil, hain olğan Arkadiy ve Janna Frantsev ailesi köyde "reberlik" ete.
Olar, işğal etilgen topraqlardan ketmege mecbur qalğan fermacılarnıñ bereketiniñ qanunsız toplanması ve çıqarılmasına aittir.
"Rus işğalcilerini bizim köyümizde meraqlandırğan tek şey, hırsızlıqtır. Ve yañı gauleiter, ve yerlilerden onıñ göñülli yardımcıları, tek Herson vilâyetinden ketmege mecbur qalğan fermacılarnıñ mülkü ve bereketini alıp kettiler. Amma çoquıs allarda bunı gece maalinde yapalar, kimseniñ körmemesi içün", – dep JRMniñ menbaları añlattı.
Hatırlatamız ki, 2023 senesi mayıs ayınıñ 12-sinde Ukraina prezidenti Volodımır Zelenskıy 280/2023. emrinen, Ukraina Milliy telükesizlik ve mudafaa şurasınıñ qararını tasdıqladı. Böylece, şahsiy mahsus iqtisadiy ve sıñırıcı tedbirler kullanıldı. Bu sanktsiya cedveliniñ iştirakçilerinden biri Serhiy Şabatura oldı.
Telegram ve Facebookta Suspilne Qırım haberlerine abune oluñız
