Rusiye işğal etilgen Qırım limanlarından ukrain ububatını nasıl ihrac ete

Rusiye işğal etilgen Qırım limanlarından ukrain ububatını nasıl ihrac ete

Aqyar körfezi, rus limanı
Aqyar körfezi. İlüstrativ foto. Pixabay

Ukrainağa tolu miqyaslı tecavuz vaqtında Rusiye, ububatnıñ rekord ihracını bildire. Ukrain akimiyeti ve mütehassıslar bildireler ki, Rusiye işğal etilgen ukrain topraqlarından ukrain ububatını ihrac ete. Rusiye, işğal etilgen Qırım limanlarından ububat ihrac ete.

Rusiyeniñ işğal etilgen Qırımdan nasıl ve ne qadar ububat ihrac etkenini ögenmek içün Suspilne Qırım mütehassıslarnen laf etti.

Andriy Povod, Herson vilâyetiniñ şu anda işğal etilgen Bilozeeka şeerinden bir fermacı, rus işğaliniñ ilk künlerini añlattı. Maşnasına ateş neticesinden yaralanğan soñ hastahanede bulunğanda rus işğal ordusı istisalhanelerini çaypadılar.

“Mahsulatnıñ çoqusı, tahminen 90 faizi, çaypalandı. Binalar viran etilgeni sebebinden mahsulatnıñ qısmı sılanıp bozuldı. Köy hocalığı tehnikası da. Çaypa bilgenlerini çaypadılar”, — dep ferma hocalığınıñ saibi qayd etti.

Andriyniñ sözlerine köre, rus işğali neticesinde onıñ ferma hocalığınıñ körgen zararı 6,5 million yevro oldı.

“İşğal etilgen Qırım tarafında yük maşnalarınen mahsulâtını alıp kettiler. Qırımda ise gemilerge yüklengenler ya da Qırımdan Qırım köprü vastasınen Rusiyeniñ başqa limanlarına, soñ anavı gemilerge ketirip yüklegenler”.

Andriy ayttı ki, ububat çalğan soñ işğalciler, agrar biznesini almağa başladılar. Şu anda bütün çalınğan, viran etilgen ya da bozulğan mülküni qayd ete. Adam, halqara makemelerde adalet qaytarmağa işana.

“Mırotvorets” Merkeziniñ SeaKrime leyhasınıñ taqiqatçısı Katerına Yareskonıñ sözlerine köre işğal etilgen Cenüpten ukrain ububatını ihrac etmek içün Qırım, “boz zona” oldı.

“Şu cümleden, biz şeylerni qayd etemiz, qapalı Qırım limanlarından ububat ihrac etmesini qayd etemiz. 2023 senesi bu limanlardan 2 mln tonna ihrac ettiler. Men bellesem, Qırımnıñ boz statusı olarğa yardım ete. Çünki olar vesiqalarnı deñiştirip sahte yapalar, biz bunı çoq kere gördük ayd ettik. Bu vesiqalarda qayd eteler ki, işğal etilgen Herson vilâyetinden ya da Melitopoldan ububat ihrac etseler bile, o Rusiyedendir”, — dep jurnalist añlattı.

Çalınğan ukrain ububatını almaq ıntıluvlarını Mısır, İran ve Türkiyede qayd ettik. Faqat devlet seviyesinde Ukrainadan ububat tek Suriye satın ala. Başqa vaqialarda şahsiy iş adamları qatıldı.

"Biz, bunıñ satın alıcılarnıñ cevapkârlığı olğanını da tüşünemiz. Bazı alıcılar közlerini qapatalar, bu aqqında yazğanımıznı, haber bergenimizni bile körmeyler, bazıları ise qarşılıq köstereler. Misal içün, İsrail gemiden red etti. Anda Melitpoldan alınğan işğal etilgen Qırımdan ofisi AQŞta yerleşken çoq milletli şirketiniñ adresine ketken ububat edi. Bes-belli ki, şirket bu ububatnıñ işğal etilgen ukrain toprağından çalınğanını bilmey. Amma biz bunı yazğan ve şirketke anlatan soñ gemiden red ettiler ve İsrail limanına yüklenmedi", — dep Katerına Yaresko qayd etti.

Yoldaş menbalarınıñ bilgilerine köre 2023 senesi Ukrainanıñ işğal etilgen topraqlarında bereketligi altı million tonna ububat edi. Prezidentniñ Qırım Muhtar Cumhuriyetindeki daimiy vekiliniñ muavini Denıs Çıstikov bildirdi ki, ukrain ububatını iharc etmek içün ruslar topraq yollarını da qullanalar. Faqat çoqusı, sanktiyalar sebebinde 2014 senesinden çalışmağan Qırım limanları vastasınen kete.

"Şu cümleden, belli oldı ki, ububat bir yerge ihrac etmek içün olar Aqyar, Kefe ve Keriç şeerlerindeki limanları qullanalar. Vaqtınca işğal etilgen Qırımdaki arbiy gemilerge ateş çoqlanğan soñ olar logistikasını biraz deñiştirdiler. Şu cümleden, belli oldı ki, keçken sene ilk qış ayında Kefe limanındaki Novoçerksask gemisine ücüm soñ Kefe limanından ububat ihrac etken büyük maşna sırası qayd etildi, amma maşnalar Keriç tarafına ketti. Kelecek yolu belli olmay, amma ögrendik ki, ububat saqlamaq ve ihrac etmek içün Keriç limanlarını qullanalar", — dep Prezidentniñ Qırım MCdeki daimiy vekiliniñ muavini añlattı.

Qırım MC Prokurorlığı, Ukrainanıñ vaqtınca işğal etilgen topraqlarından ububat ihrac etken gemi saiplerine, gemilerniñ kapitanlarına qarşı cinaiy davalarnı açtı. Faqat, Çıstikovnıñ qayd etkenine köre, bu gemiler yazılğan edi, ğayıp olacaq dep olarnı qullanalar.

"Halqara seviyede Ukraina, mezkür vaqialar aqqında haber bere. Şu cümleden, Tış işleri nazirligi, Prezidentniñ Ofisi ve vekillik diplomatik müessiselerge, halqara teşkilatlara mezkür vaqialarnı añlata. Aynı zamanda mezkür ububat alğan ülkelerniñ çoqusı, tamam Rusiye Federatsiyasınıñ tesiri astında buluna. Ve kerçekten de şu ülkeler, 2014 senesinden berli rusiye federatsiyasınıñ işğal siyasetini destek eteler", — dep Çıstikov qayd etti.

Keçken sene Ukraina, öz sanktsiya cedvellerine bürtükli aşlıqlarnı qanunsız çıqarğan şişrketlerni kirsetti. Bundan ğayrı, çalınğan ububat, Rusiyeniñ tolu miqyaslı tecavuzı neticesinde zararnen bağlı halqara davanıñ maddelerinden biridir.

Telegram ve Facebookta Suspilne Qırım haberlerine abune oluñız

На початок