Ukrain ve qırımtatar yırcısı Jamalanıñ (Susana Camaladinova) albomı "QIRIM", Beehype avropa online mecmuasına köre 2023 senesiniñ eñ yahşı albomlarındna biri oldı.
Öz Facebook saifesinde bu aqqında haber berdi.
"Oldı! Endi oldı, özüme böyle poster yapam. Bütün dünyadan aktüalite muzıka aqqında añlatqan rağbetli avropa online mecmuası Beehype, QIRIM albomını dünyadaki 80den çoq ülkeden muzıkacılar arasında 2023niñ eñ yahşı albomlarından biri olaraq adlandırdı", — dep Jamala bildirdi.
Hatırlatamız ki, 2023 senesi mayıs ayınıñ 5-inde Jamala "QIRIM" albomını taqdim etti. O, 14 yırdan ve 15. OUTRO trekinden ibarettir. Er bir yır, Qırımnıñ bir yerini tasvirley. Jamala, onlarca sene devamında Qırım yarımadasınıñ farqlı yerlerinden toplay edi.
Telegram ve Facebookta Suspilne Qırım haberlerine abune oluñız
