İlk qış ayınıñ 20-siniñ gecesi işğal etilgen Qırımnıñ Kezlev rayonında patlamalar duyuldı. Rus menbaları bildirdi ki, o zaman o rayondaki RF Ava-kâinat quvetleriniñ Uzaq kâinat alâqası merkezini ve Aluşta yanındaki FSBniñ Sıñır hızmetiniñ (SH) arbiy qısmını uçusız aletler eki kere ücüm ettiler.
Terekli Qoñratnıñ sakininiñ Suspilne Qırımğa haber bergenine köre gece saat 04:30ra patlamalar duyulğan.
"Gece maalinde patlamalar eşittik, saat tahminen 04:30ta. Bir qaç yavaş patlama ve eki şiddetli patlama edi. Otar Moyñaqdan tanışım da ayttı ki, gece maalinde şiddetli patlamalarnı eşitti", — dep qayd etti o.
Aynı zamanda ASTRA mustaqil rus Telegram kanalınıñ menbaları bildirdi ki, gece maalinde işğal etilgen Qırımdaki arbiy obyektler eki kere ücüm etildi.
ASTRAnıñ subetçisiniñ añlatqanına köre, saat tahminen 04:00te Aluşta yanındaki Quru Özen köyünde birinci ücüm edi. Anda FSBniñ SHniñ 28735 arbiy qısmı yerleşe. İlk bilgilerde köre, eñ az üç ateş neticesinde, FSBniñ Sıñır hızmetiniñ bir işçisi yaralandı ve yoldaş alâqası antennası bozuldı.
Ekinciden, ASTRAnıñ menbalarına köre, saat tahminen 05:00te RF Ava-kâinat quvetleriniñ Tıtov G.S. adına Baş deñev kâinat merkeziniñ terkibindeki 40. ayrı komandan-ölçev kompleksi (şu cümleden, 81415) Storm Shadow raketaları tarafından ücüm etildi.
"Merkezge eñ az eki raketa urdı, 1 arbiy tehnika bozuldı. Yaralanğanlar yoq", — dep bildirildi.
Terekli Qoñratqan Ayırçağa mesafe 11 kilometrdir, Otar Moyñaqtan Ayırçağa ise 6 kilometrdir.
Telegram, Viber ve Facebookta Suspilne Qırım haberlerine abune oluñız
