Nariman Celâl tahminen eki aydır ilk kere rus apishanesinden apayınen bağlandı

Nariman Celâl tahminen eki aydır ilk kere rus apishanesinden apayınen bağlandı

Nariman Celâl tahminen eki aydır ilk kere rus apishanesinden apayınen bağlandı
Nariman Celâl. Фото: Кримська солідарність

17 senege maküm etilgen Qırımtatar Milliy Meclisiniñ başınıñ muavini Nariman Celâl, Krasnoyarskıy kraydaki Minusinsk şeerindeki apishaneden apayına mektüp yazdı.

Facebook saifesinde Leviza Celâl bu aqqında haber berdi.

Onıñ mektübiniñ yayınlanğan fotoresimine köre, boş aynıñ 20-sinde Nariman Minusınsktaki apishanege keldi, bundan soñ onı karatinğa oturttılar. Mektübinde Nariman Celâl qayd eti ki, etap vaqtında sağlıq meselesi bar edi – o öksüre ve başı ağıra edi.

Leviza Celâl aqayına mümkün qadar çoq mektüp yazmağa çağırdı. Şu anda rus servisi F-mektüp vastasınen Nariman Celâlğa mektüp yazıp yollamaq mümkün.

Nariman Celâl ve Ahtemov ağaları aqqında ne bilemiz

  • Nariman Celâlov, 2016 senesi Rusiye tarafından "aşırıcılıq teşkilâtı" olaraq tanınğan Qırımtatar Milliy Meclisiniñ başınıñ muavinidir. Aziz v Asan Ahtemov, qırımtatar faalcileridir.
  • Anğara (Perevalnoye) köyündeki gaz borusını patlatmaqta şübege mücibi berim ayınıñ 3-ü ve 4-ünde Aqmescit ve Kezlev şeerlerinde beş qırımtatar adamı tutuldı – Eldar Odamanov, Aziz ve Asan Ahtemov, Şevket Useinov ve Qırımtatar Milliy Meclisiniñ başınıñ muavini.
  • Berim ayınıñ 6-sında işğal "makeme"si, tutulğan qırımtatar adamlarını tevqif etti.
  • 2022 senesi berim ayınıñ 21-inde böyle degen Qırım yuqarı makemesi, Qırımtatar Milliy Meclisiniñ başınıñ birinci muavini olğan Nariman Celâlovğa, içtimaiy jurnalist olğan Asan Ahtemovğa ve eki domuş ağası Aziz Ahtemovğa üküm çıqardı.
  • Celâlov, şeddetli rejimli müstemlekege 17 senege maküm etildi, 700 biñ rublelik para cezası ve 1,6 senelik ketme sıñırması berildi.
  • Asan Ahtemov 15 senege maküm etildi, 500 biñ rublelik para cezası ve 1 senelik ketme sıñırması berildi.
  • Aziz Ahtemov 13 senege maküm etildi, 500 biñ rublelik para cezası ve 1 senelik ketme sıñırması berildi.
  • 2023 senesi bozarğan ayda Qırımtatar Milliy Meclisiniñ başı Refat Çubarov bildirdi ki, Aqmescitteki 2. SİZOnıñ memuriyeti, Celâlov ve Ahtemov ağalarına qarşı maneviy ve bedeniy şekilde azaplay.
  • Orta küz ayınıñ başında Nariman Celâl, Aziz ve Asan Ahtemov Qırımdan mecburen çıqarılıp, rus apishanesine etap etildi.

Telegram, Viber ve Facebookta Suspilne Qırım haberlerine abune oluñız

На початок