"Ukrainanıñ cenübi ve öz Qırımını azat etmek içün ketti": Qırımdan Ukraina Qaramanı Svâtoslav Aleksapolskıynıñ ikayesi

"Ukrainanıñ cenübi ve öz Qırımını azat etmek içün ketti": Qırımdan Ukraina Qaramanı Svâtoslav Aleksapolskıynıñ ikayesi

Ексклюзивно
"Ukrainanıñ cenübi ve öz Qırımını azat etmek içün ketti": Qırımdan Ukraina Qaramanı Svâtoslav Aleksapolskıynıñ ikayesi
Svâtoslav Aleksapolskıy. Фото з сімейного архіву

Qırım sakini Svâtoslav Aleksapolskıy işdeşini qurtarğanda cenkte öldi. Asker, kaseta silâsından öldürici qısım yaralarını aldı. Ölüminden soñ Svâtoslavnı Ukraina Qaramanı unvanınen mukâfatladılar.

Lüdmıla Aleksapolska, oğlunıñ soñ küreini Suspile Qırımğa añlattı — Mıkolayiv vilâyetini qorçalay ve tuvğan Qırımnı azat etmege arzu ete edi.

"Babasınıñ tüm aqrabaları Qırımdanlardır, Qırımda Rusiye peyda olmadan evel kelgen 10 nesil qırım yunanları. Olardan evel belki tek skitler peyda olğanlar, amma anam ukrainalı, onıñ ataları Mıkolayiv vilâyetlerinden keleler", — dep tamırları aqqında Svâtoslav añlata edi.

Qaramannıñ anası añlattı ki, balalığından özüni ukrainalı tanığan edi. Ukraince mektepler, istidatlı balalar içün internat, santıraç yarışları, boks, turizmden ayran qalğan edi — turizm saatında yüksek tasil almağa qarar berdi.

Qırımdan Ukraina Qaramanı Svâtoslav Aleksapolskıynıñ ikayesi
Svâtoslav Aleksapolskıy anasınen. Фото з сімейного архіву

"Eñ yahşılardan biri edi, çünki maqsadına irişken ve aqıllı edi. Birinci kurs bitken soñ Work and Travel programması çerçivesinde Amerika'da ketti. Ekinci kurstan soñ ise ğıyabiy okumağa başladı, iç kimseden mesleat almadı ve müddetli hızmet etmege ketti. O şunı ayttı: "Anam, Rusiyenen cenkleşecekmiz ve silâ nasıl tutumağa bilmek kerek", — dep Lüdmıla Aleksapolska qayd etti.

Yarımadada öz ukrain taraflı nazar noqtasınen belli olğan "Tavriya" futbol klubınıñ ultrası, qırım Avropamaydannıñ faal iştirakçisi edi. Rus işğali vaqtında da Svâtoslav Aleksopolskıy, ukrain taraflı nazar noqtasını gizlemedi.

"Bir kere Aqmescitteki merkezi çarşından trolleybusnen ketkende monitorlarda nasıldır reklama kösterile edi. Közlerimni monitorğa köterip, anda üç sırada üçer 9 fotoresim bar, birinci sırada ortasında Svâtnıñ fotoresimini körem. Anda Svâtoslav Aleksapolskıy yazılğan. Ses ise olarnıñ varvarlar, terrorcılar olğanlarını añlata edi", — dep Svâtoslavnıñ anası hatırlay.

Qırımdan Ukraina Qaramanı Svâtoslav Aleksapolskıynıñ ikayesi
Aqmescitten arqadaşlarınen Svâtoslav Aleksapolskıy. Фото з сімейного архіву

2014 senesi küz mevsiminde Qırımdan ketmege mecbur oldıq. Ketmek içün üç kün bar, dep UTHde çalışqan ve FSBde hızmet etmege ketken dostları haber berdiler. Birinciden aile Lvivdeki akrabalarına ketti. Anda Svâtoslav "Azov"ğa qatıldı. Deyerli altı sene devamında Şarkında cenkleşe edi. 25. ve 95. taqımlarda dessantçı edi. O zamanlardan berli onıñ lağabı "Svât" edi.

"95. taqımda olgunda NATO standartlarına köre paratibbiyet kurslarında oqudı ve anda olğan topraq silâsınıñ deyerli er bir çeşitini qullanmağa ögrendi", — dep Lüdmıla Aleksapolska añlattı.

Qırımdan Ukraina Qaramanı Svâtoslav Aleksapolskıynıñ ikayesi
Svâtoslav Aleksapolskıy. Фото з сімейного архіву

2020 senesi Svâtoslav Aleksapolskıy yañıdan mobilizatsiya olundı. IT saasında çalışmağa başladı, amma 2022 senesi kiçik aynıñ 24-ünde memleketini qorçalamağa qayttı.

"Qırımdan askerlerini topladı ve olar TROğa yazıldılar. Kıyiv etrafında vaziyet biraz sakileşken soñ yani çiçek ayında olar Odesadaki TROğa kettiler, çünki anda Mıkolayiv, Herson, Odesa ve Qırımdan kelgenlerden taqım teşkil etildi. Ukrainanıñ cenübini ve elbette öz Qırımını azat etmek içün askerlerinen ketti", — dep askerniñ anası ayttı.

"Svât"nıñ apayı Anna añlattı ki, o doğlarnı pek seve edi. Olarnıñ imkânı olsa, Karpatı dağlarına tatillerge kete ediler.

"Yuqarı töpe"ge kettik, kötergiçnen dağdan tüşekden Svât "Ya pidu v daleki ğorı" ("Men uzaq dağlarğa keterim" adlı ukrain hala türküsi — terciman) yırlamağa başladı, "Çernova ruta" ("Qırmızı yüzerlik" adlı ukrain hala türküsi — terciman) beraber yırladıq, bunı pek seve edi. Añalata edi ki, Aqmescitte askerlerinen gitara refaqatınen azbarda pank yırlay edi, qomşusı qavğa ete edi ve toplanmaları içün skemle alıp çıqardı", — dep Anna ayttı.

Onıñ sözlerine köre, 2017 senesi Karpatığa seyaat vaqtında İlza dağına beraber kettiler. O zaman Svâtoslav oña yerli efsane añlattı: sevgen insanınen asla ayırmamağa arzu etmek içün bu dağğa bir-birini sevgen çiftler kele ediler.

Qırımdan Ukraina Qaramanı Svâtoslav Aleksapolskıynıñ ikayesi
Svâtoslav Aleksapolskıy apayınen. Фото з сімейного архіву

Svâtoslav inana edi ki, yaqın kelecekte Qırım da azat etilecek. Soñ intervyulerinden birinde yarımadanıñ işğalden azat etilemsini nasıl tasvirlegenini añlattı.

"Men tüşünem ki, bizim yeterli kün ve para olsa ve Canköy sıñırları yanında kelsek, eminim ki, o zaman köpür (Qırım köprüsi — terciman) alâ daa bozulmasa, 2014 senesinden soñ kelgen insanlar bu köpür vastasınen Rusiyege çapıp barış keter. Özleri tamır Qırım sakinleri olaraq tanığan insanlar añlatır ki, olar bizi beklediler ve qaytqanımızdan pek bahtlı oldılar. Aksine olsa halq susar", — dep 2022 senesi oraq ayınıñ 11-inde intervyu bergende Ukraina Qaramanı Svâtoslav Aleksapolskıy añlattı.

Qırımdan Ukraina Qaramanı Svâtoslav Aleksapolskıynıñ ikayesi
Ölgen soñ Svâtoslav Aleksapolskıynı mukâfatladılar. Фото з сімейного архіву

Soñ küreşinde Svâtoslav Aleksapolskıy işdeşini qurtarğanda kaseta silâsından öldürici qısım yaralarını aldı. Anası hatırlay ki, bundan bir kün evel oğlunen laf etti.

"28-inde Mıkolayivden men ve Anna onen video bağı vastasınen laf ettim. O şunı ayttı: "Anam, 2-3 kün devamında mennen bağlanamazsıñ, amma sen raatsız etme". Men er vaqıt bile edim iki, Svâtoslav er bir vaziyetten sağlam çıqar, çünki o pek tecribeli edi: o istihbaratçı, dessantçı edi, zembilnen 15 kere atladı", — dep Lüdmıla Oleksandrivna qayd etti.

Odesada onı krematsiya ettiler. Qqrabaları, ceset tozunı Baykove mezarlığında defin ettiler, qalğanını Yunanistanda ve azat etilgen ukrain Qırım yarımadasında püskürtecekler. Oraq ayınıñ 8-inde prezident Volodımır Zelenskıy Svâtoslav Aleksapolskıyğa ölüminden soñ Ukraina Qaramanı unvanınen mıkâfatladı.

Telegram, Viber ve Facebookta Suspilne Qırım haberlerine abune oluñız

На початок