Vaqtınca işğal etilgen Qırımda coğrafik adlarğa qırımtatar tilinde tarihiy adlarını qaytaracaqlar.
Qırımtatar tili meseleleri milliy eyyetiniñ oturışında bu aqqında laf ettiler, dep ReNazirligi haber berdi.
Şu cümleden türk adları ya da tarihiy qırımtatar adları olğan toponimlerni qullanuv aqqında laf ettiler.
Ukrainada rus imperiya siyasetiniñ propagandasını takbih ve yasaq etüv ve toponimlerniñ tarihiy adlarını qaytaruv aqqında qanunnı yerine ketirmek içün bu qarar azırlaylar.
Bundan başqa, media ve ilmiy işlerde latin urufatınen toponimlerniñ adlarını yazmağa imkân berecek usullarnı uyğunlaşalar. Yol işaretlerinde ve haritalarda tarihiy adlarını qullanmaq içün. Bunı yapmaq içün harita servisleriniñ operatorları ve bu tür yol işaretlerini hızmet etken hızmetlernen bunı muzakere etecekler.
Qayd etildi ki, Oturışnıñ neticelerine köre Milliy eyyet, Ükümetniñ maqbul qararını azırlamağa avale etti. ReNazirligi, Ukraina Prezidentiniñ Qırım MCdeki Damiyi Vekilligi, Qırımtatar Milliy Meclisi ve Milliy hatıra institutınen beraber Astyapı nazirligi bu mesele al etecek.
Hatırlatamız ki, 2023 senesi berim ayınıñ 7-sinde kommunizmsizlaştırmaq ve Qırımnıñ yañı rayon bölmesini kirsetmek içün "Qırım MCniñ memuriy ve topraq tarzınen bağlı ayrı meselelerni al etmege dair Ukrainanıñ bazı qanun çıqarıcı aktlarına deñişmeler kirsetüv aqqında" qanun aqqını qazandı. Yarımadadaki 14 rayon yerine 10 yañı rayon yaratıldı: Bağçasaray, Qarasuvbazar, Canköy, Kezlev, Keriç, Qurman, Or Qapu, Aqmescit, Kefe ve Yalta rayonları olacaq.
Telegram, Viber ve Facebookta Suspilne Qırım haberlerine abune oluñız
