İşğalciler, tahminen yedi biñ Qırım sakinini "AIS aşırıcıları" mahsus bilgiler bazasına kirsettiler. Şu cümleden, biñden çoq insan — tamır qırımtatar halqınıñ vekilidir.
"Milliy qarşılıq merkezi" bu aqqında haber berdi.
Merkezniñ bilgilerine köre "Qırım Cumhuriyetindeki İİNniñ Aşırıcılıqqa qarşılıq merkezi" ("E Merkezi") bazanı toldurır ve malümat resurslarını nezaret eter: içtimaiy ağlar, Telegram kanalları, bloglar, forumlar ve tefsir imkânınen saytlar.
"İşançsız kişiler" bazasına kirsetüv sebepleri arasında rus tecavuzını tenqit etken ya da ukrain taraflı menfaatnı destek etken postlarnı tefsir etüv ya da beğenüvdir", — dep bildirildi.
Telegram, Viber ve Facebookta Suspilne Qırım haberlerine abune oluñız
