Boş ayınıñ 20-siniñ sabası işğal etilgen Qırımda bozğun ava sebebinden 16 elektrik teminat ağı elektriksiz qaldı. Deyerli 9 biñ qullanıcı elektriksiz qaldı. Aqyarda da bir qaç soqaq elektriksiz qaldı.
“Qırımenergo” işğal müessisesi bu aqqında haber berdi.
Böylece, 8600 qırım qullanıcısı elektriksiz qaldı. Elektrikacılar, ağlarda bozmalarnı tamir etmek içün, 24 saat devamında çalışalar, amma bozğun ava ve ağlarda kütleviy bozmalar, aynı zamanda bütün ağlarnı tamir etmege imkân bermey.
"Birinciden energetikacılar, RDPE (yedek elektrik teminat menbalarını qullanaraq, içtimaiy obyektlerge elektrik temin etile. Şu anda bozmaları tamir etmek içün 110 baş ve qoşma taqım (242 insan), 111 tehnika aleti çalışa", — dep şirkette qoştılar.
Bundan ğayrı, Aqyarda Rubejnaya soqağı, Voyennıh stroiteley soqağı, Kazak soqağı ve 35. taqımnıñ Qorçalayıcıları alleyası soqağı qısmen elektriksiz qaldı. Bu, PEMniñ 102 ağındaki qazanen bağlıdır.
Qaradeñiz rayonınıñ sakinleriniñ "Qırım yerli" Telegram kanalına añlatqanlarına köre, endi eki kündir rayonnıñ qısmı elektriksiz alıp tura. Gaz olmağanı evlerde ya yanğın ya da quru spirtnen yaqarıcılar vastasınen aş pişireler.
Telegram, Viber ve Facebookta Suspilne Qırım haberlerine abune oluñız
