Gaagadaki halqara arbitraj makemesi, DTEK şirketiniñ Rusiye Federatsiyasına qarşı vaqtınca işğal etilgen Qırımdaki tutulğan aktivlernen bağlı davasını qanaatlendirdi.
Şirketniñ matbuat merkezi bu aqqında haber berdi.
Qayd etildi ki, arbitraj Rusiyege 267 million dollarlıq tazminatnı ukrain şirketine ödemege üküm çıqardı.
2017 senesinden berli “DTEK Qırımenergo"nıñ Rusiyege qarşı davasına makeme ceryanı devam ete edi.
"Rusiye muntazam tesir astında bulunmalı - çatışma tarlasında, sanktsiya, uquqiy tarzında. Men ve bütün menim işlerim bunı yapmaq içün kerekli er şey yapacaqmız. Duşmannıñ mesuliyetke çekmesi ve başlatmanı cenk içün cevapkâr olması maqsadınen, Ukrainağa ve ukrainlılarğa qarşı er bir cinayet yapqanı, er bir halqara uquqnı bozğanı içün 24/7 çalışamız", — dep DTEK şirketinin aktsiacısı Rinat Ahmetov bildirdi.
Bundan ğayrı, o qayd etti ki, Halqara arbitraj makemesiniñ qararı, adliye dünya sistemasınıñ aqiqat ve adalet tarafında olğanını kösterir.
"Men adaletke inanam ve pek yahşı bilem ki, bugün doğru dünya nizamını qaytaruv yolunda birinci adım yapıldı. Ve Rusiye bütün ukrainalılarğa ögünde ülkemizge ketirgeni yamanlıq içün cevapkâr olmağance bu yolda ketecekmiz", — dep Ahmetov hulâsa çıqardı.
Hatırlatamız ki, Qırım işğal etilmeden evel DTEK, energiya üleştirici ve energiya teminat şirketi olğan DTEK Qırımenergoğa saip olğan edi. 2014 senesi Rusiye Qırımnı işğal etilgen soñ işğal akimiyeti, qanuniy saipçiden şirketniñ aktivleri üzerinde kontrolnı aldı.
Telegram, Viber ve Facebookta Suspilne Qırım haberlerine abune oluñız
