Ekim ayınıñ 4-ünde silâlı çatışma vaqtında işğal etilgen Qırımda ruslar, Ukraina İstihbarat Baş idaresiniñ mahsus askerlerinden birini esir ettiler.
"Ukrainska pravda" — "Dıvıs" leyhasına intervyu bergende Ukraina MNniñ İBİniñ reberi Kırılo Budanov, bu aqqında haber berdi.
Onıñ sözlerine köre, esirlikte alınğanda asker yaralanğan edi. O zaman ukrain ve rus askerleri arasında eki silâlı çatışma oldı.
"Olar (ruslar — müar.) aytmağa başladılar ki, o kün (ekim ayınıñ 4-ünde — müar.) anda daa bir şey edi. Añlaşılır ki, olar esirlikte ala bilecekleri yerlerni kösterdiler, yazıq ki, bizim yaralanğan istihbaratçımız ve bir ölgen bedenni köstediler", — dep Budanov qayd etti.
İBİniñ ekim ayınıñ 4-ünde Qırımdaki mahsus operatsiyası aqqında ne bilemiz
- 2023 senesi ekim ayınıñ 4-ünde Ukraina MNniñ İBİniñ Tımur mahsus bölüginiñ terkibinde "Stuhnı" ve "Bratstva" mahsus askerleri Qırımğa endiler ve işğal ordusına ateş açtılar, dep UMNniñ İBİniñ vekili Andriy Yusov Suspilne Qırımğa añlattı.
- Rusiye Mudafaa nazirligi bildirdi ki, gemi ve girdotskllerde ukrain DRG, Tarhanqut burnu rayonında enmege tırıştılar, bundan soñ rus sıñırcıları ve PKS uçaqlarınen küreş başlandı.
- Birazdan işğalciler, Qırımğa eniş ceryanında iştirak etken diversiyacını esir ettiler. Propaganda KHVnıñ yayınlağanı videonı İBİniñ vekilli tefsir etti: "Biz bunı tefsir etmeycekmiz. Ve rus işğalcileriniñ propaganda areketlerini tefsir etmeycekmiz".
Telegram, Viber ve Facebookta Suspilne Qırım haberlerine abune oluñız
