İşğal etilgen Qırımnıñ bazı şeerlerinde çoq musulmannıñ namaz qınmağa kelgeni Cuma künleri cami çıqışında arbiy komissarlar, moblilzatsiya şeadetnamelerini bereler.
"QırımSOS" uquq qorçalayıcı içtimaiy teşkilâtı bu aqqında haber berdi.
"Namazdan soñ mobilizatsiya şeadetnamelerini bereler, onı alğanda imzalamağa rica eteler. Bazıda insanlar, moblilzatsiya şeadetnamesini mecburen ala ediler. Arman ayınıñ 25-inde bir qaç yerli adam "kâğıtlar"nı imzalağanda bu tür vaqia oldı", - dep bildirildi.
Qırımda mobilizatsiya aqqında ne bilemiz
- 2022 senesi berim ayınıñ 21-inde Qırımda işğal akimiyeti "qısmiy mobilizatsiya" ilân etti. Onıñ bitmesi aqqında resmiy bildirmelerge baqmadan, Qırım sakinlerine mobilizatsiya şeadetnamelerini gizlen bermege devam eteler.
- 9 senelik işğalde Qırımda 16 mobilizatsiya kampanyası qanunsız olaraq keçirildi. Bu, IV Jenevre şartnamesiniñ 51. maddesinen yasaqlandı ve Ukraina vatandaşlarını kibi Ukrainağa qarşı arbiy areketlerde iştirak etmege mecbur etmek kibi cenk cinayetidir.
Telegram, Viber ve Facebookta Suspilne Qırım haberlerine abune oluñız
