USQniñ Mahsus operatsiyalar quvetleri tasdıqladılar ki, Mudafaa quvetleriniñ başqa bölüklerinen beraber vaqtınca işğal etilgen Qırımda Anğarada Rusiye Qara deñiz flotunıñ 126. yalı qoruv tanımının obeyktlerini mahv ettiler.
Telegramda Ukraina SQniñ MOQ bu aqqında haber berdiler.
Maqbul mahsus operatsiyanı "Top Gun" olaraq adlandırdılar.
"Ücüm vaqtında Qırımda Anğarada duşmannıñ mezkür bölüginiñ bulunğanı yerge ateş açqan bir qaç ücüm ucucısız aleti qullanıldı. Ücümler neticelerinde işğalciler aralarında em ölgen, em de yaralanğan insanlar bar", — dep bildirildi.
Ukraina MOQniñ qoşqanına köre, yerniñ relyef hususiyetlerine dair qıyınlıqlarğa baqmadan, ucucısız aletler marşrutnı muvafaqiyetnen aştılar ve maqsatqa iriştiler.
Telegram, Viber ve Facebookta Suspilne Qırım haberlerine abune oluñız
