Qırımda yarımadanıñ sabıq işğalli FVNniñ yolbaşçısı Sergiy Sadakliyevni 5,5 yılğa mahküm ettiler. Onı qabarcılıqta qabaatladılar.
RİA "Novosti Krım" bunı bildirdi.
2021 senesi Sadakliyev "Fevqulâde vaziyetler naziri" vazifesini aldı. 2024 senesi arman ayında öz isteginen işten çıqtı. O yılnıñ ilk küz ayında belli olğanı kibi, o, eki ayğa apiske alındı. O, vazifesini aşqanında, devlet sırlarını qorçalav talaplarını bozğanında ve qabarcılıqta şübheli sayılğanında qabaatlandı.
Hatırlatamız ki, Qırım MC ve Sevastopol (Aqyar) şeeri prokurorlığı Sadakliyevni devlet hainliginde şübheli saydı. 2022 senesi mayıs ayında onı sorğuğa çektiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
