Ukrayinada Qırım balıq hocalığı agentliginiñ sabıq işğalci yolbaşçısını devlet hainligiUkrayina CQniñ 111-nci maddesiniñ 1-nci qısmınde qabaatlap mahküm etecekler. Oña 15 yılğa qadar azatlıqtan marum etüv cezasını bere ve mülkiyetiniñ musadere etile bilir.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeheriniñ prokurorlığı bunı bildirdi.
Tahqiqat, onıñ 2014 senesi işğalli balıqçılıq agentliginiñ başı olğanını belgiledi.
"Qayd etilgen vazifede istilâcı devlet akimiyetiniñ qabaatlanğan vekili vazifelerini eda ete edi, onıñ işğalli organlarınıñ çalışmasını temin ete edi, em de Rusiye Federatsiyasına Ukrayinağa qarşı bozuv faaliyetini alıp barmağa yardım ete edi. Şimdilik qabaatlanğan adam apiste buluna", — dep aytıla haberde.
Hatırlatamız ki, şübhelengen adam 2025 senesi qara qış ayınıñ 8-nde tutuldı. Qara qış ayınıñ 10-nda Mıkolayivdeki Zavodsk rayon mahkemesi apiste tutuv qararını çıqardı.
"Mahkeme oturışında şübhelengen adam, 2014 senesi baarde ağır hasta anasını baqqanı içün Qırımda bulunıp olamağan başqa bir insan olğanını aytıp, vazifege alâqasını red etti", — dep Jurnalist taqiqatları merkezi (JTM) bildirdi.
Adam tevqiften azat etüv bergisini ödedi, amma qara qış ayınıñ 22-nde Mıkolayiv istinaf mahkemesi prokurorlıqnıñ şikâyetini qanaatlendirip, birinci instantsiya mahkemesiniñ qararını lâğu etti. O, kene apiske alındı, ve evelden ödenilgen 757 biñ ğrıvnâ para cezası apayına qaytarıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
