Üç yıl devamında rusiye esirinde Qırımdaki uquq qoruyıcı, neşriyatçı ve cemaat erbabı Denıs Matsola bulunmaqtadır. Erkek, Ukrainağa RF-nıñ büyük miqyaslı ücüminden soñ Mariupolniñ mudafaasında iştirak etken edi. Esirge 2022 senesi çiçek aynıñ başında şeerniñ sarımğa aluvı vaqtında oğrağan.
Bunıñ aqqında öz Facebook saifesinde Denıs Matsolanıñ dostı Alim Aliyev yazğan.
"Üç yıl devamında Denısnıñ dostları, onıñ tuvğanları ve işdeşeleri deñişüv ceryanına zaraz bermekten qorqıp onıñ esirde bulunğanı aqqında aytmay ediler. Amma o, uzun zamandır insaniyetsiz şaraitlerde bulunmaqtadır, buna köre, bunı halqqa bildirmege qarar berdik", – qayd etti Alim Aliyev.
Denıs Matsola, İvanıv vilâyetiniñ Kıneşmadaki 2-ci tahqiqat tevqifhanesinde tutula. Qararnen eki yıl içinde onı kimsesiz kamerasında tutalar. 2024 senesi tahqiqat tevqifhanesindeki hadimleri onı mahsus açlıqqa oğratqan ediler – tahminen üç ay içinde aşatmay ediler.
"Böyle şaraitler Denısnıñ ruhiyat sağlığı ve beden alına tüzetilmez tarzda tesir ete bileceginden qorqamız. Fikirimizge köre, işkencelerge oğratuvı ve Denıske dair qattı munasebeti, onıñ muntazamiy ukrain tarafdarlı mevamı ve Ukrainanıñ kelecegi oğrunda çoq yıllıq faal ve uquq qoruyıcı faaliyetinen bağlı. Rusiye mahsus hızmetleriniñ malümatlarına köre, Denıs Matsola – qırımlı ve Qırımnıñ işğaline qarşı narazılıqlarnıñ iştirakçısıdır ve o peşin fikirli ve qattı munasebetini peyda ettire bile. Halqara teşkilâtlar, ülkelerniñ ve ukrain akimiyeti azaplarnı toqtatıp tecavuzcı ülkeniñ territoriyasında cenk mabuslarnı qurtarmaq içün daa çoq yapmaq kerek olğanlarında eminmiz", – qayd etti Alim Aliyev.
Hatırlatayıq ki, Qırımdaki işğal Yuqarı makemesinde Yaltadan qırımtatarı Çaraz Akimovnıñ davasınıñ baquvından soñ onı qanunsız tarzda beş yılğa azatlıqtan marum etkenler.
Telegram, WhatsApp ve Facebookta Suspilne Qırım haberlerine abune oluñız
