İşğalli Qırım Yuqarı makemesinde baqılğan Yaltalı qırımtatar Çaraz Akimov qanunsız şekilde beş yıl apis cezasına maküm etildi. Keçken sene ilk qış ayında Rusiye işğalli akimiyeti Telegramda yazğan mektüpleri içün bir adamnı tuttı ve "çetel teşkilâtınen gizli şekilde işbirlik yapqanı"nda qabaatladı.
"Tribunal. Qırım epizodı" uquq qorçalayıcı teşebbüsi Telegram kanalında bu aqqında haber etti.
Qayd etilgenine köre, qırımtatar Yaltada yaşay edi ve keçken sene ilk qış ayında RF Federal havfsızlıq hızmetiniñ cemaat bağları merkezi onı Telegramda arbiy tehnika taşuvı aqqında yazğanları içün yaqalağanlarını bildirgen edi.
Dava eki aydan az bir müddet içinde baqıldı ve makemege yollanıldı.
"Baqıluvnıñ tezligi ve bazı diger şarait adaletli makeme aqqından marum etüv boyunca daa bir arbiy cinayet alâmetleri bar olğanını tüşünmege imkân bere", — dep aytıla haberde.
Hatırlatamız ki, işğalli Qırım Yuqarı makemesi Yalta sakinini "çetel devletinen işbirlik yapqanı"nda qabaatlap, umumiy rejimli müstemlekede 5 yıl ve 25 künge üküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
