Rusiye teşviqatçıları işğal etilgen topraqlarnıñ, şu cümleden Qırımnıñ, sakinlerini Ukraina olarnı beklemey, dep inandırmağa tırışa. Rusiye nezaretindeki kütleviy haber vastaları, VİETdan qaytqanlarnı Ukraina akimiyeti cezalaycaq, dep bildire.
"VİETdaki cematnıñ vaziyeti: havfsızlıq, yardımlaşma, vatandaşlıq faalligi" tedqiqatında bu aqqında aytıla.
Çiçek ayınıñ 2-nde tedqiqatnı "Aktiv-Group" tedqiqat şirketi, V. Ğetman adına KNEUnıñ İçtimaiy tedqiqatlar institutı, Milliy tele ve radioyayın şurası ve DII-Ukraina cemaat teşkilâtı taqdim ettiler.
Soravda işğal etilgen topraqlarda yaşağan 100 insan iştirak etti, dep Qırım MC ve Sevastopol (Aqyar) şeerinde Milliy tele ve radioyayın şurasınıñ vekili Volodımır Lâşenko bildirdi.
"Bu kerçekten de çoq. Bu, işğalden 12 yıl keçken soñ bile Qırımda yaşağan insanlar. Ve bu, olar açıq malümat bermege razı olğanlarını köstere. Vaqtınca işğal etilgen topraqlarda yaşağan insanlarnıñ esas qıyınlığı — ukrain kontentini qullanmaq telükesi. Ukrain tilinde laf etken adiy bir söz bile apis cezasını bere bile", — dedi o.
Qırımda Rusiyege qoltutqan malümat kütleviy ve qaramanlaştırılğandır, ukrain yayınları ise muntazam degil.
"Rusiye tarafdarları bile ukrain kontentiniñ yetmegenini aytalar. Olar rus malümatına işanmaylar. Soravda iştirak etken insanlar da, Rusiye kontentiniñ tesiri olarğa pek tesir etmey, dep aytalar. Ukrainanıñ kontrol etkeni topraqlarda bulunğan intervyuyerler ise, Rusiye kontentiniñ vaqtınca işğal etilgen topraqlarnıñ sakinlerine tesiri pek büyük olğanını tüşüneler", — dep Volodımır Lâşenko ayttı.
Hatırlatamız ki, Kütleviy haber institutınıñ müdiri Oksana Romanük, 2014 senesinden başlap işğal etilgen Qırımda biñden çoq kütleviy haber vastalarınıñ qapatıluvı ve jurnalistlerniñ taqip etilmesiniñ yüzden çoq adisesi qayd etilgenini, 17 jurnalistniñ ise Rusiye apishanelerinde tutulğanını aytqan edi. Olarnıñ arasında vatandaş jurnalistleri İrına Danılovıç, Server Mustafayev ve Amet Süleymanov.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
