Soñki afta içinde işğal etilgen Qırımda Lvivden bir aileden dört insannıñ ve Herson vilâyetindeki VİT-da doğma balalıq tserebral paraliçi sebebinden ekinci gruppalı saqatlı olğan qırımtatarınıñ tutıp aluvı aqqında belli oldı. Daa "ekstremizm" aqqında maddesi boyunca ukrain tarafdarlı sakinleriniñ cinaiy taqip etüvleri daa sıq rastkelmege başladı.
Suspilne Qırımnıñ jurnalistleri afta içinde ukrain tarafdarlı sakinlerniñ taqip etüvlerine dair vaziyetinen belli olğan er şeyni topladılar.
Herson vilâyetinde qırımtatarınıñ tutıp aluvı
Herson vilâyetiniñ vaqtınca işğal etilgen qısmındaki Novooleksiyivka qasabasında bir ay evelsi 47 yaşındaki qırımtatar Eldar Karamurzanı tuttılar. Bu saban ayınıñ 24-nde belli oldı. O, doğmuş bala tserebral felç neticesinde ekinci derece saqatlığı olğan dört balanıñ babası. İlk malümatlarğa köre, adamnı Novotritsi taqiqat izolâtorında tutalar.
Onı Rusiyede yasaq etilgen Noman Çelebicihan adına qırımtatar göñülli batalyonında iştirağı ve Qırımnıñ iqtisadiy blokadasına imkâye yaratuvında qabaatladılar.
Karamurza 2014 senesine qadar Canköyde yaşağan edi. Qırım işğal etilgen soñ, o, qorantasınen beraber Jıtomırğa köçti, bir qaç yıldan soñ ise Qırımğa daa yaqın Herson vilâyetindeki Novooleksiyivkağa köçti.
Qırımda işğalciler Lvivden kelgen aileni tutıp aldılar
Gece saban aynıñ 22 işğal etilgen Qırımdaki Yevpatoriyada (Kezlev)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı tintüvlerden soñ Lvivden bir aileniñ dört azasını tutıp aldılar: Tetâna Malâr, onıñ qardaşı Valentın Malâr, onıñ oğlusı Anatolıy Rossihin ve qızı Olğa Beğeyni. Er kes "devlet hainliginde"RF Cinaiy makemesiniñ 275 maddesi qabaatlanılğan.
Qırımtatar halqnıñ Meclis başı Refat Çubarov qayd etkeni kibi, Tetâna Malâr ve onıñ ailesiniñ tuvğanları işğal taqip etüviniñ sebebi olarnıñ daa 2014 seneden ve Qırım işğalinden evel Lvivden köçip kelüvi olğanını red etmeyler.
İşğal etilgen Qırımda "aşırıcılıq"ta qabaatlanğan 18 yaşında oğlan tutuldı
Rusiye quvetçileri işğal etilgen Qırımda Simferopolnıñ (Aqmescitniñ)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı 18 yaşındaki sakinini yaqaladılar, onı "vatandaşlarğa ücüm etüv, ateş açuv ve aşırıcılıq timsallerni qullanuv"da qabaatladılar.
İşğalli Taqiqat eyyeti bildirdi ki, yigit Simferopoldaki (Aqmescitteki) camini ateşke bermege planlaştıra edi. Qayd etilgenine köre, bu yigit içün 1 000 dollar berilecek edi. İşğalcilerniñ aytqanlarına köre, tintüv vaqtında oğlannıñ evinde yanıcı şişeler, pıçaqlar, biber dumanı şişeleri, boya ve bağ vastaları "tapıldı".
Hatırlatayıq ki, 2024 senesi Qırımnıñ işğalli makemeleri ve Rusiye Federatsiyasınıñ birinci instantsiya makemeleri eñ az 66 insannı qanunsız şekilde maküm etti. Apellâtsiya makemeleri 25 insannıñ davasını, kassatsiya makemeleri ise 33 insannıñ davasını baqtı. Davalar adaletli makeme aqqınıñ bozuluvınen devam ete edi.
Bundan da ğayrı, yedi teşkilâtnıñ uquq qoruyıcıları umumiy arizasını yayınladılar, anda olar halqara toplulıq ve Ukraina akimiyetini Rusiye-Ukraina cenkiniñ "barışıq çezilüvi" boyunca muzakere esnasında Ukrainanıñ vaqtınca işğal etilgen topraqları, şu cümleden Qırım sakinleriniñ gumanitar meselelerini kirsetmege çağıralar. Hususan, olarnıñ aq-uquqlarını qorçalamaq meselesi köz ögüne alınmalı.
Telegram, WhatsApp ve Facebookta Suspilne Qırım haberlerine abune oluñız
