Ukrainada "Gece qaşqırları Sevastopol motoklubı" cemaat teşkilâtınıñ yolbaşçısını makeme etecekler. 2014 senesi kiçik qış ayında şübelengen adam, teşkilâtnıñ diger iştirakçilerinen beraber "Sevastopol öz-özüni mudafaasıRusiye ordusı tarafından teşkil etilgen qanunsız silâlı teşkilât"na qoşuldı.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokuraturası Telegram kanalında bunı bildirdi.
Qayd etilgenine köre, adam Sevastopolda (Aqyarda) bloknoqtalarnıñ teşkil etilmesini teşkil ete, şeer soqaqlarında qaravullıq yapmaq, arbiy qısımlarnı ve Arbiy deñiz quvetleriniñ ştabını nezaret etmek, Ukraina tarafdarları olğan vatandaşlarnı tapmaq içün "cenkçiler"niñ areketlerini idare ete edi.
"2014 senesi saban ayında "komandir" yanında olğan bölüknen beraber silâ alıp, arbiy saada qanunlarnıñ yerine ketirilmesini nezaret etüv boyunca Sevastopol (Aqyar) prokurorlığı binasını zapt etti, soñra ise Rusiye arbiy hızmetçilerine Ukraina Arbiy deñiz quvetleriniñ "Slavutıç" istihbarat gemisini basıp almağa yardım etti", — dep aytıla haberde.
Saban ayınıñ 16-nda şübelengen adam saylav bölükleriniñ qoruvını teşkil etip, yarımadanıñ Rusiye Federatsiyasınıñ terkibine qoşulması boyunca qanunsız "Umumiy Qırım referendumı"nıñ keçirilmesini temin etken edi.
Qabaatlanğan adam 15 yılğa qadar apis cezasını ala bile.
Telegram, WhatsApp ve Facebookta Suspilne Qırım haberlerine abune oluñız
