Artem Javoronkov — ukrain arbiy hızmetçisi, göñüllisi, "Vunderkindı" muzıka taqımınıñ tesisçisi ve bayker. Onıñ eki aliy tasili bar: jurnalistika ve tibbiyet. Moskvada doğdı, Qırımda büyüdi, şimdi ise Kıyivde buluna. Öz tamrına baqmadan, özüni ukrainalı olaraq tanıy.
Ukrainadaki faaliyeti, Ukraina Silâlı quvetlerinde hızmet etkeni ve rus tamırlarından qaçqanı aqqında o, Suspilne Qırımğa tarif etti.
Vatandaşlıq aqqında
"Ukrainada 1998 senesinden berli yaşayım. Mında daimiy yaşamaq içün ruhsetnamem bar, şimdilik müddetsiz dep aytam. Amma, teessüf ki, Ukraina vatandaşlığını elde etmek içün yapqan bütün ıntıluvlarım sovet mentaliteti, bürokratik mentaliteti duvarına uruldı", — dep Javoronkov qayd etti.
Vatandaşlığı olmaması Artemni 2023 senesi orduğa, bundan evel ise göñüllilerge barmağa keder etmedi. Onıñ esabında 29 sefer ve arbiy ve grajdan yardım içün cebe yollanılğan aman-aman 140 tonna bar.
"Vatanperverlik tek vışıvankalar degil, yapqan areketleriñdir", — dep qayd etti o.
Ğostolemde buzlavuq ve "bir yol" göñüllik iş biletleri
2022 senesi saban ayında Ğostomelde göñülli olaraq çalışqan adamnıñ ayağı buzladı. Soñra uzun vaqıt tedaviyley edi.
O, göñüllikni bir yol biletleri dep adlandıra, çünki bir kere başlağanda, bir kere de toqtamazsıñ.
"Men orduğa yardım ete edim. Men anda, bağışlañız, sayğılı seyirciler, faşist haçına, silâlı quvetler içün elimden kelgenini yapmağa tırışa edim. İnsan göñülli olmağa toqta bile, amma göñülli bu insan olmağa toqtamaz", — dep Javoronkov qayd etti.
Arbiy hızmet: dört redden soñ muvafaqiyet
Soñra o, daa çoq şey yapmaq kerek olğanını añladı, bu sebepten orduğa kirmege qarar aldı.
"Bu, uzun bir esnas edi, çünki men dört kere red etilgen edim. Beşinci kere — mufavaqiyetli oldı. Meni arbiy qısım qabul etti. Men soñki bir buçuq yıl devamında Ukraina faydasına hızmet ettim", — dep asker qayd etti.
Onıñ aytqanına köre, cenkte ahlâqiy ceetten saqlanmaq içün mizah yardım ete. Bazı qardaşlar sevgenleri içün açuvlanalar. Artem böyle bir şeyge razı degil.
"Men küfür etmeyim ve qardaşlarımnen bazı vaqıtları qıyın ola. Ukrain tilinde küfür etmek pek qıyın, çünki ukrain tilinde küfür etmek içün ukrain mentaliteti olmaq kerek", — dep arbiy añlattı.
Moskvadan Qırımğa qadar: ukrain kimliginiñ şekillenmesi
Artem, 1998 senesi Rusiyeden köçken soñ Qırımda qalmağa qarar alğanını hatırlay. Anda o, tam bir serbestlik duya edi.
"Bu kerçek olmağan bir farqlılıq edi. Qırımğa barğan soñ bu Moskva ve Simferopol (Aqmescit — terciman) ayatı arasında bir uçurım bar edi. Çünki men bütünley serbest bir insan edim. Men Qırımda iç bir qorqu duymayıp qaldım", — dep Javoronkov qayd etti.
Adamnıñ aytqanına köre, Qırımda şahsiyet olaraq şekillendi.
"Qırımda ukrain milletçilerinen körüştim, olar meni aqıldan tüşürdiler, Ukraina ve Rusiye munasebetleriniñ tarihını añlattılar. Ve Qırımda menim içimde bütün rus ikâyelerini yoq etip başlağan sert ukrain milletçiligi doğdı. Men bunı ögrenmege başladım. Men Qırımda ukrain tilini ögrendim", — dep Javoronkov tarif etti.
Onıñ qayd etkenine köre, bu vaziyet Portaqal inqilâbından soñ deñişti. Yarımadada Rusiye teşviqatınıñ quvetleşüvi peyda oldı.
"2004 senesine qadar Qırımda ukrain tarafdarı olmaq içün bütün imkânlar bar edi. Bir çoq insan ukrain tilinde laf ete ve ögrene edi. Ve özlerini Ukrainanıñ bir parçası olaraq tanıttılar. Yani Qırımda birinci yerde er vaqıt "Okean Elzı" ve Kuzma tura edi, nasıldır "Lübe" degil,'' — dep Artem qayd etti.
O, Qırımnıñ abadanlaşmasına razı olmağa azır olmağanını añladı. 2006 senesi Kıyivge köçti. O, bir çoq tanışı da yarımadanı terk etkenini ayta.
"Ukrainanı yüreklerinde olğan Qırım sakinleri rus zihniyetine, Rusiye yaşayış tarzına iç bir şekilde uymağanlar, bu sebepten olar er şeyni saylaylar. Çünki Ukraina — azatlıq, Rusiye ise — nasıldır apishane içün bir yer", — dep arbiy hızmetçi qayd etti.
Artem Qırımnı sıq-sıq tüşüngenini ayttı. Soñki sefer 2014 senesi kiçik qış ayında qartanasınıñ doğğan kününe barğan edi.
"Babamnıñ evinde 90-ncı doğğan kününi qayd ete edik. Men kettim, ve ertesi künü "yeşil adamlar" ava limanımıznı sarıp aldılar. O vaqıttan berli evimde, Qırımda, olmadım. Er şey anda qaldı — elbette, kederli. Ve Qırımnı sıq-sıq, pek sıq tüşlerde körem", — dep Javoronkov añlattı.
Rusiyeniñ taqip etüvi
Rusiyede Artemge qarşı cinaiy dava açıldı.
"Rusiyede Rusiyede qarşı faaliyetim içün maña qarşı 15 senelik dava açıldı. Çıqış yasağım yoq, diger memleketlerge de çıqış yasağım yoq, çünki Rusiye pasportımnıñ müddeti çoqtan bitti", — dep bildirdi o.
Eki lağap
Orduğa qartanası İskra Semenivna Çumaknıñ şerefine lağabını seçti.
"Bu menim adıma "BabUşka", "BAbuşka" deyler. O, aqıllı bir tehnologiya aşçısı edi ve Simferopoldaki (Aqmescitteki — terciman) "Ognok" restoranınıñ müdiri edi. O, maña aş pişirmege ögretti. Orduda... er kes aş aşap, şapka taqmaq kerek. Bu menim işim. Men qardaşlarımnı qayğı ve sevginen añlayım", — dep arbiy qayd etti.
Artemniñ daa bir lağabı — "Stomatolog" — pank müitinden qaldı. O, balalıqtan berli alternativ muzıkanen oğraşqanını ayttı.
"Kıyivde yerleşken soñ, özüm içün muzıka yapmağa istegenimni añladım. Ve "Vunderkindı" taqımını topladım. Bu, para qazanmağa başlağan bir eglence oldı. Bu, işke çevirildi — zevq, işke çevirildi", — dep çalğıcı hatırlay.
Muzıka, efsaneler ve aile yaşayışı
Bundan da ğayrı, Javoronkov — mototsıklcıdır. Onıñ bedeninde bu meraq izleri pek çoq.
"Bu, cenkten evelki mototsıkl yaraları. Elim ve ayağım qaza neticesinde qırılğanı içün, içinde çoq demir bar. Bu aqılsızlıqtır. Mototsıkl sürgende mesüliyetli oluñız, aqılsızlıq yapmañız", — dedi o insanlarğa.
Artemniñ birinci evliliginden büyük oğlu bar. Şimdiki eşinen muzıka vastasınen tanış oldılar. O, onıñ kontsertine keldi. Evllilik ise, göñüllilerniñ yardımınen oldı.
"Men apishanede yatam, ayaqlarım suvuqlanğan. O, Artem zavodınıñ arqasında yerleşken eski studiyamızdadır ve anda, studiyadan 100 metr uzaqlığında, "Kalibr" tüşti. O, pek küçlü tüşti. Telefonımnıñ sesi: "Allo! Mennen evlenmek kereksiñ. Men öz soyadımnen ölmege istemeyim!" Episi bu. Men hastahaneden tez çıqtım, ve biz kettik ve evlendik", — dep Javoronkov hatırlay.
Artemniñ aytqanına köre, evlengen soñ, o, oña ultimatum berip, mototsıkllarını satmağa mecbur etti. Soñkisini ise donat içün sattılar.
"Radio ROKS ve Sonya Sotnıknen (Radio ROKSnıñ ''Kamtugeza'' saba şousınıñ alıp barıcısı, yırcı — muarrir) beraber sattıq. Onı, şükürler olsun, asker qazandı. Mototsıkl askerge berildi. Ateş, men quvanam!" — dep Javoronkov qayd etti.
Artem ve apayı arbiyler ve olarnıñ qorantaları içün Kıyivde muzıkalı aqşamlar teşkil eteler. O, ukrainalılarnıñ bir-birine yardım etmege azır olğanından ğurur duya, dep ayttı.
Adam öz müessisesini, havflı telâşlarda saqlana bilecek ve er vaqıt destek ala bilecek bir sığınaq dep adlandıra.
Telegram, WhatsApp ve Facebookta Suspilne Qırım haberlerine abune oluñız
