Ukraina, vaqtınca işğal etilgen Qırımda Rusiye arbiy obyektine ücüm etmek içün ilk sefer "Dovğıy Neptun" yañı qanatlı raketasını qullandı. Aynı silâ Tuapsta neft kompleksine ücüm içün de qullanıldı.
Bunı Nettavisen neşirine bergen intervyusında Ukraina strategik sanayı meseleleri naziri Ğerman Smetanin bildirdi.
Evel Ukraina prezidenti Volodımır Zelenskıy 1000 km-ge qadar zarar ketire bilecek yañı raketanıñ yaratılğanını tasdıqladı.
"Yañı ukrain raketi, doğru bir ücümdir. Mesafe biñ kilometrdir. Ukrain mütehassıslarımızğa, istisalcılar ve arbiylerimizge teşekkür bildiremiz. Ukraina havfsızlığını temin etmek içün çalışmağa devam etemiz", — dep Zelenskıy Telegramda yazdı.
OSINT analitikacıları ve ğarbiy matbuat vastalarınıñ bildirgenine köre, "Dovğıy Neptun" Tuapsta olğan yermay zavodına ücüm ete bile edi.
Читати ще
Telegram, WhatsApp ve Facebookta Suspilne Qırım haberlerine abune oluñız
